Sunday, 15 November 2026
Advertisement
Ooredoo — Article-Top (leaderboard)
އިޖުތިމާޢީ

ގުޅީފަޅުން ގޯތި ދޫކުރި ގުރުއަތުލުމާ ގުޅޭ ގޮތުން ޝަކުވާ އަށް ހުށަހަޅަން ހުޅުވާލައިފި

ގުޅީފަޅުން ގޯތި ދޫކުރި ގުރުއަތުލުމާ ގުޅޭ ގޮތުން ޝަކުވާ އަށް ހުށަހަޅަން ހުޅުވާލައިފި
ބިންވެރިޔާ ސްކީމްގެ ދަށުން ގުޅީފަޅުން ގޯތި ލިބިފައިވާ ފަރާތްތަކުގެ ގުރުއަތު ނެގުމާ ގުޅިގެން ޝަކުވާ ހުށަހަޅަން މިއަދު ހުޅުވާލައިފި އެވެ. ހައުސިން، ލޭންޑް އެންޑް އާބަން ޑިވެލޮޕްމެންޓުން ސަރުކާރު ގެޒެޓުގައި ޝާއިއުކުރި އިއުލާނެއްގައި ބުނީ ގޯތި ލިބުނު ފަރާތްތަކުގެ ފޯމު ނަންބަރާއި، ލޮޓް ނަންބަރު އަދި އެ ގޯތިތަކުގެ ބޮޑުމިނުގެ ތަފްސީލް ހިމެނޭ ލިސްޓު އިއުލާނާއެކުގައި އާންމުކުރެވިފައިވާ ކަމަށެވެ. އެހެންކަމުން ގޯތި ލިބިފައިވާ ފަރާތްތަކުން އެއްވެސް ޝަކުވާއެއް އޮތް ނަމަ https://hiyaavehi.housing.gov.mv ޕޯޓަލް މެދުވެރިކޮށް މި އަންނަ މަހުގެ 7 ވާ ބުރާސްފަތި ދުވަހުގެ 14:00 ގެ ކުރިން ޝަކުވާ ހުށަހެޅުމަށް އެ އިއުލާނުގައިވެ އެވެ. ގުޅީފަޅުން ގޯތި ލިބިފައިވާ ފަރާތްތަކުގެ ގުރުއަތު ނެގުން އޮތީ މިިދިޔަ އަންގާރަ ދުވަހު ދަރުބާރުގެ ރަންނަބަނޑޭރި މާލަމުގަ އެވެ. އެއީ މިދިޔަ ސަރުކާރުގައި ގިރާވަރުފަޅުން ދޫކުރި ގޯތި ލިބުނު މީހުންގެ ތެރެއިން ގުޅީފަޅަށް ގޯތި ބަދަލުކުރި މީހުންނާއި ގުޅީފަޅުން ގޯތި ލިބުނު މީހުންނަށް އޮތް ގުރުއަތުލުމެއް ކަމަށް މިނިސްޓްރީން ވަނީ ބުނެފަ އެވެ. އަދި އެ ބަދަލަކީ "ގުޅީފަޅުގެ ލޭންޑް ޔޫސް ޕްލޭން"ގެ ދަށުން އައިސްފައިވާ ބަދަލެއް ކަމަށްވެސް މިނިސްޓްރީން ވަނީ ބުނެފަ އެވެ.

ގުޅީފަޅުން ދޫކުރި ގޯތީގެ އަދަދާއި ބޮޑުމިން:

  • 1250 އަކަފޫޓުގެ 669 ގޯތި
  • 1650 އަކަފޫޓުގެ 1234 ގޯތި
  • 2050 އަކަފޫޓުގެ 916 ގޯތި
  • 2450 އަކަފޫޓުގެ 473 ގޯތި
  • 2850 އަކަފޫޓުގެ 158 ގޯތި
  • 3250 އަކަފޫޓުގެ 49 ގޯތި
  • 3650 އަކަފޫޓުގެ 21 ގޯތި
އެ ގުރުއަތުލުމަކީ މިދިޔަ ސަރުކާރުގައި ގިރާވަރުފަޅުން ދޫކުރި ގޯތި ލިބުނު މީހުންގެ ތެރެއިން ގުޅީފަޅަށް ގޯތި ބަދަލުކުރި މީހުންނާއި ގުޅީފަޅުން ގޯތި ލިބުނު މީހުންނަށް އޮތް ގުރުއަތުލުމެއް ކަމަށްވެސް މިނިސްޓްރީން ބުނެ އެވެ. ބިންވެރިޔާ ސްކީމުގެ ދަށުން ގުޅީފަޅުން ގޯތި ލިބިފައިވާ ފަރާތްތަކުގެ ގޯތީގެ ލޮކޭޝަނަށް ބަދަލު އައިސްފައިވާ ކަމަށްވެސް އެ މިނިސްޓްރީން ބުނި އެވެ. އަދި އެ ބަދަލަކީ "ގުޅީފަޅުގެ ލޭންޑް ޔޫސް ޕްލޭން"ގެ ދަށުން އައިސްފައިވާ ބަދަލެކެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.