ޗުއްޓީ އާ ދިމާކޮށް މޯލްޑިވިއަނުން ދަތުރުތައް އިތުރުކޮށްފި

ސްކޫލު ބަންދާ ދިމާކޮށް ގައުމީ އެއާލައިން، މޯލްޑިވިއަނުން ކުރަމުން އަންނަ އެތެރޭގެ ދަތުރުތައް އިތުރުކޮށްފި އެވެ.

Ads by STELCO

މޯލްޑިވިއަނުންގެ ދަތުރުތައް އިތުރުކޮށްފައި ވަނީ މިއަދުން ފެށިގެން އަންނަ ހުކުރު ދުވަހުގެ ނިޔަލަށެވެ. އިތުރުކުރީ އެ އެއާލައިނުން ހއ. ހޯރަފުށި، ހދ. ހަނިމާދޫ، ށ. ފުނަދޫ، ބ. ދަރަވަންދޫ، ލ. ކައްދޫ އަދި ގދ. ފަރެސްމާތޮޑާ އާއި އެ އަތޮޅު މާވަރުލަށް ކުރާ ދަތުރުތައް ވަނީ އިތުރުކޮށްފަ އެވެ.

އޭގެ އިތުރުން ސިޓީތަކަށް ކުރާ ދަތުރުތައް ވެސް ވަނީ އިތުރުކޮށްފަ އެވެ. އެގޮތުން ކުޅުދުއްފުއްޓަށާއި ފުވައްމުލަކަށާ އަދި އައްޑޫ ސިޓީގެ ގަަމަށް ކުރާ ދަތުރުތައް ވެސް ވަނީ އިތުރުކޮށްފަ އެވެ.

ބަންދާ ދިމާކޮށް އިތުރުކުރި ދަތުރުތަކަށް ޓިކެޓް ނެގުމުގެ ފުރުސަތު މޯލްޑިވިއަނުން ވަނީ ހުޅުވާލާފަ އެވެ.

ދަތުރުތައް އިތުރުކުރި މަންޒިލްތަކާ ދުވަސްތައް:

• 16 ޑިސެމްބަރު - ހޯރަފުށި، ފުވައްމުލައް، ގަން
• 17 ޑިސެމްބަރު - ކުޅުދުއްފުށި، ފުނަދޫ، ކައްދޫ، ފުވައްމުލައް
• 18 ޑިސެމްބަރު - ހޯރަފުށި، ކައްދޫ، ފަރެސްމާތޮޑާ، ގަން
• 19 ޑިސެމްބަރު - ހަނިމާދޫ، ދަރަވަންދޫ، ފުވައްމުލައް، ގަން
• 20 ޑިސެމްބަރު - ފުނަދޫ، މާވަރުލު