މީޑިއާ ކައުންސިލްގެ ރައީސްކަމަށް ސަގީފް އިންތިހާބުކޮށްފި

މޯލްޑިވްސް މީޑިއާ ކައުންސިލް (އެމްއެމްސީ)ގެ ރައީސްކަމަށް ހުސެއިން ސަގީފް އިންތިހާބުކޮށްފި އެވެ.

Ads by STELCO

މީޑިއާތަކުން 8 ނޫސްވެރިއަކާއި އަމިއްލަ ގޮތުން ހަތް މީހަކާ އެކު، 15 މީހަކު މީޑިއާ ކައުންސިލްއަށް އިންތިހާބު ކުރީ މި މަހުގެ ހަތް ވަނަ ދުވަހު އެވެ.

އަދި މިއަދު ވަނީ އެ މެމްބަރުންގެ މެދުގައި ވޯޓުލައި އެމްއެމްސީގެ ރައީސްކަމަށް ސަގީފު އިންތިހާބުކޮށްފަ އެވެ.

ތިލަދުން އޮންލައިންގެ ފަރާތުން ސަގީފް ރައީސް ކަމަށް އިންތިހާބުވީ 8 ވޯޓާއެކު އެވެ.

ސަގީފުއާ އެންމެ ގާތުން ވާދަކުރީ މިހާރުގެ "މިހާރު"ގެ ނޫސްވެރިޔާ ފާތިމަތު ޝަނާ މުހައްމަދު އެވެ.

ސަގީފު މީގެ ކުރިން ވަަނީ އެމްއެމްސީގެ ނާއިބު ރައީސްކަންވެސް ކުރައްވައިފަ އެވެ.

އޭނާ ވަނީ މީގެ ކުރިން ހދ. އަތޮޅު ކައުންސިލްގެ ރައީސްގެ މަގާމުވެސް އަދާކޮށްފަ އެވެ.