Tuesday, 17 November 2026
Advertisement
MWSC — SmartMeter (leaderboard)
ދުނިޔެ

ޕާކިސްތާނުގެ އަސްކަރީ ކޯޓުތަކުގެ ހުކުމްތައް ބައިނަލްއަގްވާމީ މިންގަނޑުތަކާ ހިލާފު

ޕާކިސްތާނުގެ އަސްކަރީ ކޯޓުތަކުގެ ހުކުމްތައް ބައިނަލްއަގްވާމީ މިންގަނޑުތަކާ ހިލާފު
ޕާކިސްތާނުގެ އަސްކަރީ ކޯޓުތަކުން އިއްވާފައިވާ ހުކުމްތަކަކީ އެ ގައުމުގެ ބައިނަލްއަގްވާމީ އިލްތިޒާމްތަކާ އެއްގޮތްވާ ގޮތުގެ މަތިން ކުރެވިފައިވާ ކަންކަމެއް ނޫން ކަމަށް ޔޫރަޕިއަން ޔޫނިއަންއިން ބުނެފި އެވެ. ބުރާސްފަތި ދުވަހު ނެރުނު ބަޔާނެއްގައި ޔޫރަޕިއަން ޔޫނިއަންގެ ތަރުޖަމާނު ވިދާޅުވީ މެއި 9 ގައި ހިނގި އަސްކަރީ މުދަލާއި ތަންތަނަށް ގެއްލުން ދިނުމުގެ މައްސަލަތަކުގައި އަސްކަރީ ކޯޓުތަކުން އިއްވާފައިވާ ހުކުމްތަކާ ގުޅޭ ގޮތުން އެ ޖަމިއްޔާއިން ކަންބޮޑުވުން ފާޅުކުރާ ކަމަށެވެ.
"މި ހުކުމްތަކަކީ ޕާކިސްތާނުގެ ބައިނަލްއަގްވާމީ އިންސާނީ ހައްގުތަކުގެ އިލްތިޒާމްތަކާ އެއްގޮތަށް ކުރެވިފައިވާ ކަމެއް ނޫން. އަދި މިއީ އަދުލު އިންސާފު ގާއިމުކުރުމުގެ ބައިނަލްއަގްވާމީ މިންގަނޑުތަކާ ހިލާފު ކަމެއް."
މީގެ އިތުރުން ވިދާޅުވީ ޕާކިސްތާނުގެ ސަރުކާރުން މަދަނީ ކޯޓުތަކުގެ އިހްތިސާސް އިޔާދަކޮށް، ހުރިހާ ރައްޔިތުންނަށް ހަމަހަމަ އަދި އިންސާފުވެރި ޝަރީއަތެއް ކުރިއަށް ގެންދިއުމުގެ ހައްގު ކަށަވަރު ކޮށްދޭންޖެހޭ ކަމަށެވެ. މި މައްސަލައާ ގުޅިގެން ޕާކިސްތާނުގެ ސަރުކާރުން އަދި އެއްވެސް ރަސްމީ ބަޔާނެއް ނެރެފައެއް ނުވެ އެވެ. ނަމަވެސް މި ބަޔާނަކީ ޕާކިސްތާނުގެ ޝަރުއީ ނިޒާމަށް ބޮޑު ގޮންޖެހުމަކަށް ވެދާނެ ކަމަށް ސިޔާސީ މާހިރުންވެސް ދެކެއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.