Tuesday, 17 November 2026
Advertisement
STO — McCoy (leaderboard)
ވިޔަފާރި

އެމްޑަބްލިއުއެސްސީގެ ގިނަ ހިދުމަތްތަކެއް އޮންލައިންކޮށް ލިބޭ ގޮތް ހަދައިފި

އެމްޑަބްލިއުއެސްސީގެ ގިނަ ހިދުމަތްތަކެއް އޮންލައިންކޮށް ލިބޭ ގޮތް ހަދައިފި

އެމްޑަބްލިއުއެސްސީންގެ ގިނަ ހިދުމަތްތަކެއް އޮންލައިންކޮށް ލިބޭ ގޮތް ހަދައިފި އެވެ.

އެމްޑަަބްލިއުއެސްސީ ގައި މިއަދު ބޭއްވި ހާއްސަ ރަސްމިއްޔާތެއްގައި އެ ހިދުމަތްތައް އިފްތިތާހުކޮށްދެއްވީ އެ ކުންފުނީގެ ޗެއާޕާސަން ޝަމްހޫޒާ އަހުމަދާއި އެ ކުންފުނީގެ މެނޭޖިން ޑިރެކްޓަރު އަބްދުލް މަތީން މުހައްމަދު އެވެ.

ހެޔޮ ބަދަލުތަކަކާއެކު މިއަދު އެމްޑަބްލިއުއެސްސީން ތައާރަފްކުރި އޮންލައިން ހިދުމަތްތަކުގެ ތެރެއިން އެންމެ ފާހަގަކޮށްލެވޭ އެއް ހިދުމަތަކީ ދައުލަތުގެ އެކި އޮފީސްތަކުގެ ހިދުމަތްތައް އޮންލައިންކޮށް ފޯރުކޮށް ދިނުމަށް ބޭނުންކުރާ އީ-ފާސް ނިޒާމު ބޭނުންކޮށްގެން އެމްޑަބްލިއުއެސްސީގެ ހިދުމަތައް އެދި ހުށައެޅޭނެ ގޮތް ހެދުމެވެ.

Advertisement
Ooredoo — Truecaller (box)

އަދި އޮންލައިންކޮށް އެޕްލިކޭޝަން ފުރުމަށްފަހު ހުށައެޅުމާއި، ހުށައަޅާ އެޕްލިކޭޝަންތަކުގެ ކުރިޔަށްދާ އެކި މަރުހަލާތައް ފަސޭހަކަމާއެކު ބަލާލެވުމާއި، އެޕްލިކޭޝަންތަކުގެ މަރުހަލާތައް ބަދަލުވަމުންދާ ސްޓޭޓަސް އެސްއެމްއެސް މެދުވެރިކޮށް ކަސްޓަމަރަށް ފޮނުވޭނެކަމަށް ވެސް އެމްޑަބްލިއުއެސްސީން ބުންޏެވެ.

އަދި އޮންލައިން ހިދުމަތް ބޭނުން ހިފައިގެން ކަސްޓަމަރުން ހުޅުވާފައިވާ ހުރިހާ އެކައުންޓެއްގެ މައުލޫމާތު އެއް ތަނަކުން ބަލައިލުމާއި، އެއް އެކައުންޓެއް މެދުވެރިކޮށް އެއް ބިލަށްވުރެ ގިނަ ބިލްތަކަށް އެއްފަހަރާ ފައިސާ ދައްކައި، އަދި އެކި އެކައުންޓުތަކުގެ ބިލުތަކަށް އެއްފަހާރާ ފައިސާ ދެއްކޭނެ ކަމަށް ވެސް އެމްޑަބްލިއުއެސްސީން ބުނެފައިވެ އެވެ.

އަދި އޭގެ އިތުރުން ސްމާޓް މީޓަރު ހަރުކުރެވިފައިވާ ގޭބިސީތަކުގެ ކަސްޓަމަރުންނަށް ވަކިވަކި މީޓަރުތަކުން ފެން ބޭނުން ކުރެވިފައިވާ ގޮތުގެ ތަފްސީލާއި، ފެން މީޓަރުގެ ރީޑިންވެސް އަދި ފެންބިލްތަކުގެ ތެރެއިން ޑިއުވެފައިވާ ބިލްތަކާއި، ބިލްތަކުގެ ތަފްސީލު ފަސޭހަކަމާއިއެކު ބަލާލެވޭނެ އެވެ.

އެމްޑަބްލިއުއެސްސީގެ އެމްޑީ ވިދާޅުވީ މިއަދު ތައާރަފްކުރި ހިދުމަތްތަކުގެ މަގުސަދަކީ ޒަމާނީ ޓެކްނޮލޮޖީ އާއި ވަސީލަތްތައް ބޭނުންކޮށްގެން، ތިމާވެއްޓާއި ރައްޓެހި ގޮތެއްގައި ވީހާވެސް ލުއިފަސޭހަ ކަމާއިއެކު ހިދުމަތްތައް ލިބޭނޭ އިންތިޒާމްތައް ހަމަޖައްސައި ދިނުން ކަމަށެވެ.

އަދި އެ ބަދަލުތަކާއި އެކު އީ-ޕޯޓަލް ބޭނުންކުރުމުގައި ކަސްޓަމަރުންނަށް އިތުރަށް ފަސޭހަވެގެން ދާނެކަމަށް ވެސް އެމްޑީ ވިދާޅުވި އެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.