Saturday, 21 November 2026
Advertisement
HDC — Share-Below (leaderboard)
ޚަބަރު

ކައުންސިލްތަކުން އެހެން ޒޯންތަކަށް އުޅަނދުތައް ރެޖިސްޓްރީކޮށްދޭ މައްސަލައެއް

ކައުންސިލްތަކުން އެހެން ޒޯންތަކަށް އުޅަނދުތައް ރެޖިސްޓްރީކޮށްދޭ މައްސަލައެއް

ކައުންސިލްތަކުން އެހެން ޒޯންތަކަަށް އުޅަނދުތައް ރަޖިސްޓްރީކޮށްދޭ މައްސަލައެއް ފެންމަތިވެއްޖެ އެވެ.

އޮޑިޓް އޮފީހުން މިއަދު ނެރުނު ޓްރާންސްޕޯޓް މިނިސްޓްރީގެ ޕާފޯމަންސް އޮޑިޓް ރިޕޯޓްގައި ބުނީ އެއްގަމާއި ކަނޑުގެ އުޅަނދުތައް ރަޖިސްޓްރޭޝަންއަށް ބޭނުންކުރާ "މެޓްރިކްސް" ސިސްޓަމުގައި ކޮންޓްރޯލް މައްސަލަތަކެއް ހުރުމުން ސިސްޓަމްގެ ބޭނުން ނަހަމަ ގޮތުގައި ހިފައި ގަވައިދާ ހިލާފަށް އުޅަނދު ރަޖިސްޓްރީކުރުމުގެ ފުރުސަތު ބޮޑު ކަމަށެވެ.

ރިޕޯޓްގައި ފާހަގަކޮށްފައިވާ ގޮތުން މެޓްރިކްސް ސިސްޓަމްއަކީ ވަރަށް ކުރިން ކުރީގެ ޕްރޮގްރާމިން ލެންގުއޭޖެއް ބޭނުންކޮށްގެން ހަދާފައިވާ ޕްރޮގްރާމެކެވެ.

Advertisement
Allied — Dhen Online (box)

އެހެންވެ އެ ސިސްޓަމް އިތުރަށް ތަރައްގީވެސް ނުކުރެވި ބޭނުންވަ ބަދަލުތައް ވެސް ނުގެނެވޭތީއާއެކު ހިދުމަތް ފޯރުކޮށްދިނުމުގައި ދަތިވެ އުޅަނދުތަކާ ބެހޭ ލިޔުންތައްވެސް އެ ސިސްޓަމަަށް ނޭޅޭ ކަަމަށް ބުނެފައިވެ އެވެ.

އޭގެ އިތުރުން މެޓްރިކްސް ސިސްޓަމްގައިވާ ރޯލުތަކާއި ސިސްޓަމް ހުއްދަތައް ހަރުދަނާގޮތެއްގައި ބަލަހައްޓާފައި ނުވާ ކަމަށާއި އަދި ކައުންސިލްތަކަށް ދީފައިވާ ރޯލްތަކާއި ހުއްދަތައް އޮތީ ވަކި ޒޯންއަކަށް ރެސްޓްރިކްޓްވެސް ނުވާ ކަމަށެވެ.

އެއާއެކު ކައުންސިލްތަކަށް ދީފައިވާ ލޮގިންތަކުން އެ ކައުންސިލްއާ ގުޅޭ ޒޯން ނޫން އެހެން ޒޯންތަކުގައި އުޅަނދު ރަޖިސްޓްރީކުރަމުންދާ ކަންވެސް ރިޕޯޓްގައި ފާހަަގަކޮށްފައިވެ އެވެ.

އެހެންވެ އައިޓީ ސިސްޓަމްތައް ބަަލަހައްޓާނެ ގޮތުގެ ދުރު ރާސްތާ ޕްލޭންއެއް އެކުލަވާލައި ހިދުމަތް ފޯރުކޮށްދިނުމުގައި ފާހަަގަވެފައިވާ ގޮންޖެހުންތަކަށް ހައްލު ހޯދޭނެގޮތަށް ސިސްޓަމްއެއް ގާއިމުކުރުމަށް ލަފާދީފައިވެ އެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.