އިހަވަންދޫގައި ހޮސްޕިޓަލެއް އަޅަން އާރުޑީސީއާ ހަވާލުކޮށްފި
ހއ. އިހަވަންދޫގައި ހޮސްޕިޓަލެއް އަޅަން އާރުޑީސީއާ ހަވާލުކޮށްފި އެވެ.
ރައީސް ޑރ. މުހައްމަދު މުއިއްޒު މިއަދު އިހަވަންދޫއަށް ކުރެއްވި ދަތުރުފުޅުގެ ތެރެއިން އެ އެއްބަސްވުމުގައި ވަނީ ސޮއިކޮށްފަ އެވެ.
އެ އެއްބަސްވުމުގައި ހެލްތު މިނިސްޓްރީގެ ފަރާތުން ސޮއިކުރެއްވީ ހެލްތް މިނިސްޓަރު އަބްދުﷲ ނާޒިމް އެވެ. އަދި އާރްޑީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގް ޑިރެކްޓަރު، ބްރިގޭޑިއާ ޖެނެރަލް ރިޓަޔާޑް އަލީ ޒުހައިރު އެވެ.
މިއަދު އިހަވަންދޫގައި ވާހަކަ ދައްކަވަމުން ރައީސް މުއިއްޒު ވިދާޅުވީ އިހަވަންދޫއަށް އެމަނިކުފާނު ވެވަޑައިގެންނެވި އެންމެ މުހިންމު އެއް ވައުދަކީ އެ ރަށުގައި ހޮސްޕިޓަލެއް އެޅުން ކަމަށެވެ.
އަދި އެއާއެކު އެ ރަށުގެ ސިއްހީ ދާއިރާއަށް މުހިންމު ކުރިއެރުންތަކެއް ލިބިގެންދާނެކަން އެމަނިކުފާނު ފާހަގަކުރެއްވި އެވެ.
އަދި އެ މަޝްރޫއު ބާރު ސްޕީޑުގައި ނިންމަދޭނެކަމުގެ ފުރިހަމަ ޔަގީންކަން ރައީސް މިއަދު ދެއްވި އެވެ.
އިހަވަންދޫގައި މިހާރު ސިއްހީ ހިދުމަތް ދެނީ އެ ރަށުގައި ހުންނަ ސިއްހީ މަރުކަޒުން ނެެވެ.
ނަމަަވެސް 3000 އެއްހާ މީހުންގެ އާބާދީއެއް އޮންނަ އިހަވަންދޫއަށް ހޮސްޕިޓަލެއް ބޭނުންވާކަން އެ ރަށުގެ ރައްޔިތުން ހާމަކުރަންދާތާ ދުވަސްތަކެއް ވަނީ ވެފަ އެވެ،
Ads by STO
