ކުރީގެ ފަސްޓްލޭޑީ ފަޒްނާގެ މަންމާފުޅު އަވަހާރަވެއްޖެ

ކުރީގެ ރައީސް އިބްރާހިމް މުހައްމަދު ސޯލިހުގެ އަނބިކަނބަލުން ފަޒްނާ އަހްމަދުގެ މަންމާފުޅު، ޒަމީރާ އުމަރު އަވަހާރަވެއްޖެ އެވެ.

ޒަމީރާއަކީ ކުރީގެ ރައީސް މުހައްމަދު ނަޝީދުގެ ބޮޑުދައިތާފުޅެކެވެ.

މައުލޫމާތު ލިބޭ ގޮތުން ޒަމީރާ އަވަހާރަވީ އާލާސްކަންފުޅަކާ ގުޅިގެން އައިޖީއެމްއެޗް ހޮސްޕިޓަލަށް ގެންގޮސް ފަރުވާދެމުން ދަނިކޮށް މިއަދުގެ މެންދުރުފަހުގެ ވަގުތެއްގަ އެވެ.

ޒަމީރާ އަވަހާރަވުމުގެ ހިތާމައިގައި ބައިވެރިވެ ވަޑައިގަންނަވާކަން ހާމަކުރައްވާ ރައީސް ޑރ. މުހައްމަދު މުއިއްޒު "އެކްސް" ގައި ކުރެއްވި ޕޯސްޓުގައި ވަނީ ސޯލިހުގެ ދެކަނބަލުންނަށާއި އާއިލާއަށް ތައުޒިޔާ ދަންނަވާފަ އެވެ.

https://twitter.com/MMuizzu/status/1885309997044920800

ޒަމީރާ އަވަހާރަވުމާ ގުޅިގެން ސަރުކާރުގެ ވެރިންނާއި ސިޔާސީ ފަރާތްތަކުގެ އިތުރުން އާންމުން ވެސް ދަނީ ފަޒްނާގެ އާއިލާއަށް ތައުޒިޔާ ކިޔަމުންނެވެ.