މަސް ދަޅު ކޭސް ޓޯކަން ދޫކުރާ ޕޯޓަލް ޑައުންވެއްޖެ

މާލެ ސަރަހައްދުގައި މަސް ކޭސް ބަލައި ދިޔުމަށް ޓޯކެން ދޫކުރުމަށް ހެދި ޕޯޓަލް ޑައުންވެއްޖެ އެވެ.

Ads by STELCO

އެ ޕޯޓަލް އިން 6 ޖެހިއިރު ޓޯކަން ދޫކުރަން ފަށާފައިވާއިރު މިހާރު 15 ވަރަކަށް މިނެޓަށް ޕޯޓަލް ޑައުންވި އެވެ.

އެކަމަކު މައްސަލަ މިހާރު ހައްލުކޮށް ޕޯޓަލަށް ވަދެވޭ އެވެ.

މާލެ ސަރަހައްދުން މަސްދަޅު ބެހުމަށް ހަމަޖެެއްސި ސަރަހައްދުތައް:

• މިފްކޯ ކޮމްޕްލެކްސް (މާފަންނު) -200 ޓޯކަން
• އެމްޓީސީސީ ސޯމިލް - 200 ޓޯކަން
• ހެންވޭރު ދަނޑު - 200 ޓޯކަން
• ގަލޮޅު ދަނޑު – ސެޓަޕް 1 (50 ޓޯކަން)
• ގަލޮޅު ދަނޑު – ސެޓަޕް 2 (50 ޓޯކަން)
• ގަލޮޅު ދަނޑު – ސެޓަޕް 3 (50 ޓޯކަން)
• ގަލޮޅު ދަނޑު – ސެޓަޕް 4 (50 ޓޯކަން)
• ސޯޝަލް ސެންޓަރު ވިލިމާލެ - (100 ޓޯކަން)
• ވެމްކޯ ސައިޓް ހުޅުމާލެ - (100 ޓޯކަން)
• އުމަރު ޒާހިރު ބިލްޑިން/ ހުޅުމާލެ - (100 ޓޯކަން)
• ޕޮލްކޯ ޓަވާ (ސީ ބްލޮކް) (ހުޅުމާލެ) - (100 ޓޯކަން)
• ހިޔާ ޓަވަރު 10 (ހުޅުމާލެ) - (100 ޓޯކަން)
• ކާމިލްދީދި ޕްރީސްކޫލް - (100 ޓޯކަން)

މިނިސްޓްރީން ބުނީ މަސްދަޅު ބެހުން ކުރިއަށްދާނީ ކޮންމެ ރެއަކު 8 އިން 12 އަށް ކަމަށެވެ. މި މަސް ނިމެންދެން މަސްދަޅު ބެހުން ކުރިއަށްދާނެ އެވެ. ރޭގަނޑަށް، މަސް ދަޅު ބެހުން ބަދަލުކުރީ ދުވާލު ގަޑީގައި މާ ބޮޑަށް ހޫނުވާތީވެ އެވެ.

ކޮންމެ ގޭބީސީއަކަށް ދޫކުރަން ހަމަޖެހިފައި ވަނީ 48 ދަޅުގެ މަސް ކޭހެކެވެ. މަސްދަޅު ކޭސް ބަލައިދާއިރު ގޭބިސީގެ ކަރަންޓް މީޓަރު އެނގޭ ފަދަ ލިޔުމަކާއި އެ މީހެއްގެ އައިޑީކާޑު ހިފައިގެން ދިއުމަށް ވަނީ އެދިފަ އެވެ.