އިޝާރާތް ބަހުން މެޑަމް ފަޒްނާ ކިޔާދެއްވި ވާހަކަ ބަލާލައިފިންތަ؟ ވަރަށް ހިތްގައިމު!
މިއަދަކީ ބައިނަލްއަގުވާމީ އިޝާރާތް ދުވަހެވެ. މިދުވަހުގެ ހެޔޮ ދުޢާ އާއި ތަހުނިޔާ އަރިސް ކުރައްވަމުން ފަސްޓް ލޭޑީ މެޑަމް ފަޒްނާ އަހުމަދު ވަނީ އިޝާރާތް ބަހުން ވަރަށް ރީތި ކުޑަކުދިންގެ ވާހަކައެއް ކިޔައި ދެއްވާފައެވެ.
"އަޅުގަނޑު އެދެނީ މިފަދަ ފަރާތްތައް ޝާމިލު ކޮށްލެއްވުމަށްޓަކައި އިޝާރާތް ބަހުން ކޮންމެވެސް މިންވަރެއް ދަސްކޮށްލެއްވުން." ކުޑަކުދިންނަށް ޚާއްސަ ވާހަކައެއް އިޝާރާތް ބަހުން ކިޔައި ދެއްވަން ފެށުމުގެ ކުރިން މެޑަމް ފަޒްނާ ވިދާޅުވިއެވެ.
މެޑަމް ފަޒްނާ ކިޔައިދެއްވި ވާހަކައަށް ކިޔަނީ "މީހަކާއި ގަހެވެ".
މެޑަމް ފަޒްނާ ކިޔައިދެއްވި ވާހަކަ:
"ކުޑަކުޑަ ރަށެއްގައި މީހަކު އުޅެއެވެ. އެރަށުގައި ގަހެއް ވެސް ހުރެއެވެ.
މީހާ ބަނޑުހައިވުމުން ގަހުން މޭވާ ލިބެއެވެ. މީހާއަށް ހޫނު ވުމުން ގަހުން ހިޔާ ލިބެއެވެ.
ރޭގަނޑު ފިނިވުމުން ގަހުގެ ފަތްތަކުން މީހާ ހީ ފިލާ.
އެއްދުވަހު އޭނާ ހިތަށް އެރި، ގަސް ކަނޑާލާފައި ގެއެއް އެޅިއްޔާ މާ ރަނގަޅު ވާނެ.
އޭނާ ގެއެއް އަޅަން ބޭނުން ވެގެން ގަސް ކަނޑާލައިފި.
ކިހާ ދެރަ.
ގަސް ކަނޑާލާފަ އޭގެ މަތީ އަރާމު ކޮށްލަން އިށީންދެއްޖެ.
ގަސް ކަނޑާލުމުން ބޮލަށް ހޫނުވެ ބަނޑުހައިވާން ފަށައިފި.
'އަހަރެން އެކަނިވީ، އަހަރެން ގަސް ކަނޑާލުމުން އަހަންނަށް އެއްވެސް ފަސޭހައެއް ނުވި.' އޭނާ ރޯން ފަށައިފި.
ދެން ކިހިނެއްބާ ހަދާނީ؟
އެއަށްފަހު އެމީހާ ނިންމީ ގަސް އިންދަން. ގަސްތައް ރޯވެ ގަހުން މޭވާއާއި ހިޔާ މިހާރު އެމީހާއަށް ލިބޭ. މިހާރު އެމީހާ އުޅެނީ ވަރަށް އުފަލުގައި."
ވަރަށް ރީތި. ހިތަށް އަރާ ވާހަކައަށް ހިތާ ދިމާލަށް އިޝާރާތް ކުރިނަމަ ވަރަށް ފުރިހަމަ ވިސް.