މި އަހަރަށް ހައްޖު ކިއުގައި ޖެހުނު އެންމެންނަށް ޖާގަ ދީފި

މި އަހަރު ހައްޖަށް ދާން ހައްޖު ކިއުގައި ޖެހުނު އެންމެންނަށް ޖާގަ ދީފި އެވެ.

އިސްލާމިކް މިނިސްޓްރިގެ އޮފިޝަލަކު މިއަދު ވިދާޅުވީ މިއަހަރު ހައްޖަށް ދެވޭނެ ކަމަށް ކިއުގައި ޖެހިފައިވާ އެންމެނަށް ހައްޖަށް ދެވޭނެކަމަށް ރައީސް ޑރ. މުހައްމަދު މުއިއްޒު އިއުލާން ކުރެއްވި ގޮތައް މި އަހަރަށް ކިއުގައި ތިބި އެންމެނަށް ޖާގަ ދީފައިވާ ކަމަށެވެ.

އަދި އެ ކޯޓާގެ ތަފްސީލު އަންނަ ހޯމަ ދުވަހު ހާމަކުރާނެ ކަމަށް ވެސް އޮފިޝަލު ވިދާޅުވި އެވެ.

މި އަހަރުގެ ހައްޖުގެ އަޅުކަމަށް ރާއްޖެއިން 1،000 މީހުން ފުރާނެކަމަށް އިސްލާމިކް މިނިސްޓްރީން ކުރިން ބުނެފައިވެ އެވެ.

ރާއްޖެއިން މި ފަހަރު ހައްޖަށް ދާ މީހުން ފުރާނީ އަންނަ ހޯމަ ދުވަހު އެވެ.

ހައްޖަށް ދާން އެތައް ބަޔަކު މިހާރުވެސް ކިއުގައި އެބަ ތިއްބެވެ.

އަދި އެ ކިއު ކުޑަކުރަން މި ސަރުކާރުން މިހާރު ދަނީ މަސައްކަތްވެސް ކުރަމުންނެވެ.