ކޯލީގެ ދަށް ކުޅުމަށް ކޮމެންޓޭޓަރު ބުނި ބަހާއެކީ އަނުޝްކާއާ ކޮމެންޓޭޓަރުގެ އަރައިރުން ވުމެއް! 

ރޯޔަލް ޗެލެންޖާސް ބެންގަލޯގެ ކެޕްޓަން ވިރާތު ކޯލީ އެންމެ ފަހުން ކުޅުނު މެޗުގައި ދެއްކި ދަށް ކުޅުމަށް ފާޑު ކީ ކޮމެންޓޭޓަރާއި ކޯލީގެ އަނބިމީހާ އަދި ބޮލީވުޑްގެ މަޝްހޫރު އެކްޓްރެސް އަނުޝްކާ ޝަރުމާއާ ދެމެދު ބަހުގެ ހަމަލާތަކެއް ހިނގައިފިއެވެ.

Ads by STELCO

ޔޫއޭއީގައި މިހާރު ކުރިއަށްދާ ދުނިޔޭގެ އެންމެ ވަރުގަދަ ކްރިކެޓް ލީގު ، އިންޑިއާ ޕްރިމިއާ ލީގުގައި އިންޑިއާގެ ގައުމީ ޓީމުގެ ވެސް ކެޕްޓަން ވިރާތު ކޯލީގެ ރޯޔަލް ޗެލެންޖާސް ބެންގަލޯ ޓީމުން މިދިޔަ ބުރާސްފަތި ދުވަހު ވަނީ ޕަންޖާބު ކިންގްސްއާ ދެކޮޅަށް ކުޅެ 97 ލަނޑުން ބަލިވެފައެވެ.

މި މެޗުގައި ވިރާތުު ކޯލީ ދެއްކި ދަށް ކުޅުމަށް ފާޑު ކިޔަމުން ކޮމެންޓޭޓަރ އަދި އިންޑިއާގެ ކުރީގެ ގައުމީ ކުރިކެޓް ކުޅުންތެރިޔާ ސުނިލް ގަވަސްކަރު ބުނީ "ލޮކްޑައުންގައި ކޯލީ ޕްރެކްޓިސްކުރީ އަނުޝްކާ އުކި ބޯޅަތަކަށް އެކަނި ކަމަށެވެ."

މިބަސްތަކާއި ހިތްހަމަ ނުޖެހި އަނުޝްކާ ޝަރުމާ މީސްމީޑިއާގައި ބުނެފައި ވަނީ ފިރިމީހާގެ ކުޅުމުގެ ސަބަބުން އަނބިމީހާއަށް އެކަމުގެ ބަސް ރައްދުވާން ޖެހޭ ސަބަބު އޮޅުން ފިލުވައި ދިނުމަށް އެދޭ ކަމަށެވެ. އަދި މެޗް ކޮމެންޓްރީތަކުގައި އެހެން މީހުންގެ އަމިއްލަ ދިރިއުޅުމަށް ސުނިލް ގަވަސްކަރު އިހްތިރާމް ކޮށްފައިވާނެކަން ޔަގީން ކުރާ ކަމަށާއި އެފަދައިން އޭނާއާ މެދު ޢަމަލު ކުރަން ނުޖެހޭތޯ އަނުޝްކާ ވަނީ ސުވާލުކޮށްފައެވެ.

އަނުޝްކާގެ މި ބަސްތަކާއި ގުޅިގެން ގަވަސްކަރު ވެސް ވަނީ އޭނާގެ ދިފާއުގައި ވާހަކަ ދައްކާފައެވެ. އެގޮތުން ގަވަސްކަރު ބުނީ އޭނާ އެއްގޮތަކަށް ވެސް އަނުޝްކާ ޝަރުމާ ކުށްވެރި ނުކުރާ ކަމަށާއި އޭނާ ވާހަކަ ދެއްކީ ލޮކްޑައުންގެ ދުވަސްވަރު އާންމުވި ވީޑިއޯގެ މައްޗަށް ކަމަށެވެ. ގަވަސްކަރު ބުނީ ކޮމެންޓްރީގައި އޭނާ ފާހަގަ ކުރީ ލޮކްޑައުންގައި ކޯލީ ޕްރެކްޓިސް ކުރީ އަނުޝްކާގެ ބޯލިން އަށް އެކަނި ކަމަށާއި އެއީ ޓެނިސް ބޯޅައެއް ކަމަށެވެ. އަދި ކޯލީގެ ފެއިލިއަރގައި (ބަލިވުމުގައި) އޭނާ އަނުޝްކާ ކުށްވެރި ނުކުރާ ކަމަށް ގަވަސްކަރު ތަކުރާރުކޮށް ފާހަގަ ކުރިއެވެ.

ގަވަސްކަރު މިފަދައިން ފާޑު ކިޔާފައިވާއިރު ލޮކްޑައުންގެ ދުވަސްވަރު އަނުޝްކާއާާއި ވިރާތު ގޭގައި ކުރިކެޓް ކުޅޭ މަންޒަރު އެމީހުން ވަނީ އާންމު ކޮށްފައެވެ.

އަނުޝްކާ އާއި ވިރާތު ކޯލީ މިހާރު ދަނީ އެމީހުންގެ އަލަތު ދަރިފުޅަށް އިންތިޒާރު ކުރަމުންނެވެ. އެގޮތުން އަނުޝްކާ ބަލިިވެއިންކަން އޭނާ ވަނީ ފޭނުންނާ ހިއްސާކޮށްފައެވެ. އަނުޝްކާ ވިހާނެ ކަމަށް ލަފާކޮށްފައި ވަނީ އަންނަ ޖެނުއަރީގައެވެ.