ތެރެޕިއުޓިކް ފަރުވާއަށް އެހީގެ ގޮތުގައި މިދިޔަ މަހު ހަތް މިލިއަން ރުފިޔާ

ތެރެޕިއުޓިކް ފަރުވާއަށް އެހީގެ ގޮތުގައި މިދިޔަ މަހު ހަތް މިލިއަން ރުފިޔާއަށް ވުރެ ގިނަ ފައިސާ ދޫކޮށްފި އެވެ.

Ads by MPL

ނެޝެނަލް ސޯޝަލް ޕްރޮޓެކްޝަން އޭޖެންސީ(އެންސްޕާ)އިން މިއަދު ބުނީ ތެރަޕިއުޓިލް ފަރުވާއަށް އެހީ ދޫކުރީ ނުކުޅެދުންތެރިކަން ހުންނަ ފަރާތްތަކާއި އަދި ބޭސް ފަރުވާ ނަގާ ފަރާތްތަކަށް ކަމަށެެވެ.

އެގޮތުން ނުކުޅެދުންތެރިކަން ހުންނަ 158 ފަރާތަކަށް 6.5 މިލިއަން ރުފިޔާ ދޫކުރި އިރު ބޭސް ފަރުވާ އެހީގެ ދަށުން 84 ފަރާތަކަށް 480761 ރުފިޔާ ދޫކުރި ކަމަށް ވެސް އެންސްޕާއިން ބުންޏެެވެ.

އެއީ ޖުމްލަ 7,010,009 ރުފިޔާ އެވެ.

ތެރަޕިއުޓަކް ފަރުވާގެ އިތުރުން އެހެނިހެން ގިނަ ފަރާތްތަކަށް ވެސް އެންސްޕާއިން އެހީ ފޯރުކޮށްދެ އެވެ.