40 މީހުންނާއެކު ދަތުރުކުރި ބޯޓެއްގެ އިންޖީނު ހުއްޓިގެން ކޯސްޓުގާޑުން ހަރަކާތްތެރިވަނީ

40 މީހުންނާއެކު މާލެއިން ފުރައިގެން ޅ.ނައިފަރަށް ދަތުރުކުރި ބޯޓެއްގެ އިންޖީނު ހުއްޓިގެން ސިފައިން ހަރާކަތްތެރިވާން ފަށައިފި އެވެ.

Ads by STELCO

އެމްއެންޑީއެފުން ބުނި ބޯޓުގެ އިންޖީނު ހުއްޓުނީ ކާށިދޫގެ އިރުން ކަމަށާއި އެ ބޯޓުގައި ތިބި އަންހެނުންނާއި ކުޑަކުދިން ނައިފަރަށް ގެންގޮސްދިނުމަށް އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑު ފަސްޓް ސްކޮޑްރަންއިން ހަރަކާތްތެރިވަމުންދާ ކަމަށެވެ.

"ލައިފްލައިން" ނަމަކަށް ކިޔާ އެ ބޯޓުގައި ތިބި މީހުން ނައިފަރަށް ގެންގޮސްދިނުމުގައި އެމްއެންޑީއެފް ކޯސްޓްގާޑު ފަސްޓް ސްކޮޑްރަންގެ ދެ ހާބާކްރާފްޓް ލޯންޗާއި، ކޯސްޓްގާޑުގެ ގަލްފްކްރަފްޓް ލޯންޗެއް  ހަރަކާތްތެރިވަމުންދާ ކަމަށް ސިފައިން ބުންޏެވެ.

ސިފައިން ބުނީ އެ ހާދިސާގެ ރިޕޯޓް ލިބުނީ މިއަދު ހެނދުނު 08:15 ހާއިރު ކަމަށެވެ.