ޚަބަރު

ޕީއެސްއެމްގެ އެމްޑީކަމުން ނަސްރީން އިސްތިއުފާ ދެއްވައިފި

މުޙައްމަދު ޝިޔާމް ، ދެން އޮންލައިން

ދައުލަތުގެ މީޑިއާ ޕީއެސްއެމްގެ މެނޭޖިން ޑިރެކްޓަރުގެ މަގާމުން އިބްރާހިމް ނަސްރީން އިސްތިއުފާ ދެއްވައިފިއެވެ.

Ads by STELCO

ނަސްރީން އިސްތިއުފާ ދެއްވިކަން "ދެން"އަށް ވަނީ ޔަގީންވެފައެވެ. އަދި އެނގިފައ ވާ ގޮތުގައި އޭނާ އިސްތިއުފާ ދެއްވީ ސަރުކާރުގެ މަގާމަކަށް ދިއުމަށެވެ.

ނަސްރީން ޕީއެސްއެމްގެ އެމްޑީ ގެ މަގާމަށް އައްޔަންކޮށްފައި ވަނީ 23 ޑިސެމްބަރު 2024ގައެވެ. މަގާމަށް އައްޔަނު ކުރިތާ އަހަރެއް ނުވަނީސް ނަސްރީނު އިސްތިއުފާ ދެއްވައިފައިވާ އިރު އެއީ ޕީއެސްއެމްގެ އެމްޑީ ކަމުން އިސްތިއުފާ ދެއްވި ތިންވަނަ ފަރާތެވެ.

މި ސަރުކާރުން އެންމެ ފުރަތަމަ އެ މަގާމަށް އައްޔަން ކުރީ ޒީނާ ޒާހިރުއެވެ. އޭނާ އިސްތިއުފާ ދެއްވުމުން ދެން އައްޔަންކުރީ މުހައްމަދު ސައީދުއެވެ. ނަސްރީން އައްޔަން ކުރީ ސަޢީދު އިސްތިއުފާ ދެއްވުމުންނެވެ.

ނަސްރީނު ޕީއެސްއެމްގެ އެމްޑީއަށް އައްޔަނު ކުރުމުގެ ކުރިން ޕީއެސްއެމްގެ ކޮމާރޝަލް އޮފިސަރުގެ މަގާ މުވެސް އަދާކޮށްފައިވެއެވެ.

Ads by Ooredoo