Wednesday, 18 November 2026
Advertisement
STO — McCoy (leaderboard)
ޚަބަރު

"ޚާރިޖިއްޔާ ދިވެހިންނާ ގާތަށް", ޚާރިޖީ ވުޒާރާގެ އޯޕަން ޑޭއެއް މާދަމާ ބާއްވަނީ

ހާރިޖީ ވުޒާރާއިން ފޯރުކޮށްދޭ ހިދުމަތްތަކާ ގުޅޭ މައުލޫމާތު އާންމުންނަށް ހިއްސާކުރުމަށް ބާއްވާ "އޯޕަން ޑޭ" މާދަމާ ހަވީރު އެ ވުޒާރާގައި އޮންނާނެއެވެ.

"ޚާރިޖިއްޔާ ދިވެހިންނާ ގާތަށް", ޚާރިޖީ ވުޒާރާގެ އޯޕަން ޑޭއެއް މާދަމާ ބާއްވަނީ

ޚާރިޖީ ވުޒާރާގެ ޚިދުމަތްތަކާ ގުޅޭ މައުލޫމާތު އާންމުންނަށް ފޯރުކޮށްދިނުމަށާއި، މުވައްޒަފުންނާ ބައްދަލުކޮށް ޚިޔާލު ބަދަލުކުރުމުގެ ފުރުސަތު ދިނުމަށް ބާއްވާ ހާއްސަ "އޯޕަން ޑޭ" މާދަމާ ބޭއްވުމަށް ވަނީ ހަމަޖެހިފައެވެ.

މި ހަރަކާތް ކުރިއަށްދާނީ މާދަމާ ހަވީރު 3:00އިން 6:00އަށް އެ ވުޒާރާގެ މައި އިދާރާގައެވެ.

"ޑިޕްލޮމަސީ ވީކް 2026" އާ ގުޅުވައިގެން "ޚާރިޖިއްޔާ ދިވެހިންނާ ގާތަށް" މި ޝިއާރުގެ ދަށުން ބާއްވާ މި ހަރަކާތަކީ، ޚިދުމަތްތައް ރައްޔިތުންނާ ވީހާވެސް ގާތުން ފޯރުކޮށްދިނުމަށް ރައީސް ޑރ. މުޙައްމަދު މުޢިއްޒުގެ ސަރުކާރުން ގެންގުޅުއްވާ ސިޔާސަތުގެ ދަށުން ކުރިއަށްގެންދާ ހަރަކާތެކެވެ.

މި އޯޕަން ޑޭގެ ތެރޭގައި އެކި ދާއިރާތަކުން މައުލޫމާތު ދިނުމަށް ޚާއްސަ ކައުންޓަރުތަކެއް ހުންނާނެ ކަމަށް އެ ވުޒާރާއިން ބުނެއެވެ. އޭގެ ތެރޭގައި ވިސާ އާއި ކޮންސިއުލަރ ޚިދުމަތްތަކުގެ އިތުރުން ލިޔެކިޔުންތައް އެޓެސްޓްކުރުމާ ގުޅޭ މައުލޫމާތު ދޭ "ވިސާ ކޯނަރ" އާއި، ވިސާ ފޯމު ފުރުމުގެ އިރުޝާދު ދޭ "ވީއެފްއެސް ސާވިސަސް ޑެސްކް" ހިމެނެއެވެ.

މީގެއިތުރުން ވުޒާރާގައި ހުރި ވަޒީފާގެ ފުރުސަތުތަކާ ގުޅޭ "ޖޮބް ކޯނަރ" އާއި، މުވައްޒަފުންނާ ސީދާ ބައްދަލުކޮށް މައުލޫމާތު ސާފުކުރެވޭނެ އިންތިޒާމުތައް ވެސް ވަނީ ހަމަޖައްސާފައެވެ. އަދި އާންމުން ހޭލުންތެރިކުރުވުމުގެ ގޮތުން ކުއިޒްތަކާއި ޝައުގުވެރި އެހެން ހަރަކާތްތައް ވެސް ކުރިއަށްދާނެއެވެ.

ރާއްޖެއިން ބޭރުގައި ހުންނަ ޑިޕްލޮމެޓިކް މިޝަންތަކުން ރައްޔިތުންނަށް ފޯރުކޮށްދޭ އެހީތެރިކަމުގެ ތަފްސީލު ވެސް މި ހަރަކާތުން ލިބޭނެއެވެ. ޚާރިޖިއްޔާއިން ބުނީ މިއީ އާންމުންނާ އޮންނަ ގުޅުން ބަދަހިކޮށް، ޚާރިޖީ ސިޔާސަތާއި ޑިޕްލޮމަސީގެ މަސައްކަތްތައް ތައާރަފުކޮށްދިނުމަށް ކުރާ މުހިންމު މަސައްކަތެއް ކަމަށެވެ. އެހެންކަމުން މި ފުރުސަތުގެ ބޭނުން ހިފުމަށް އެ ވުޒާރާއިން ވަނީ އާންމުންނަށް ދައުވަތު އަރުވާފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.