ހެންވޭރު ގެއަކުން މަރުވެފައި އޮތް މީހަކު ފެނިއްޖެ

މާލޭ ހެންވޭރުގައި ހުރި ގެއެއްގެ ތެރެއިން މަރުވެފައި އޮތް މީހަކު ފެނިއްޖެއެވެ.

އެނގިފައިވާ ގޮތުގައި މަރުވެފައި އޮއްވާ އެގޭ ތެރެއިން ފެނިފައިވަނީ ބިދޭސީ އެކެވެ.

ފުލުހުންގެ މީޑިއާ އޮފިޝަލަކު ވިދާޅުވީ ހެންވޭރުގައި ހުރި ގެއެއްގައި މީހަކު މަރުވެފައި އޮތް ކަމަށް އާއްމު ފަރާތަކުން މިއަދު 11:58 ހާއިރު ފުލުހުންނަށް މައުލޫމާތު ދީފައިވާ ކަމަށެވެ. އެ މައުލޫމާތު ލިބުމާއިއެކު މަރުވެފައި އޮތް ކަމަށް ބުނާ މީހާ ފުލުހުންގެ އެހީތެރިކަމާއެކު އައިޖީއެމްއެޗް އަށް ގެންގޮސްފައިވާ ކަމަށް ވެސް ފުލުހުން ވިދާޅުވެފައިވެއެވެ.

ފުލުހުން ވިދާޅުވީ އެމީހާ އައިޖީއެމްއެޗަށް ގެންދިޔައިރު ވެސް މަރުވެފައި ކަމަށް ޑޮކްޓަރުން ބުނެފައިވާ ކަމަށާއި އެމީހާގެ މަރާއި ގުޅިގެން ފުލުހުން ބަލަން ޖެހޭ ކަންކަން ބަލަމުން އަންނަ ކަމަށެވެ.

މަރުވެފައި ވަނީ ދިވެއްސެއް ކަމެއް ބިދޭސީ އެއް ކަމެއް ފުލުހުން ހާމަ ކޮށްފައެއް ނުވެއެވެ. އަދި އޭނާ ކޮވިޑް-19 އަށް ފައްސި ކަމެއް ނުވަތަ ނޫންކަމެއް ވެސް އެނގިފައެއް ނުވެއެވެ.