ށ.ނެޔޮގެ އިރުން ބޭރުގައި ކަނދުފައްޗެއް ގާއިމުކޮށްފި

ށ.ނެޔޮގެ އިރުން މިއަދު ވަދު ކަނދުފައްޗެއް ގާއިމުކޮށްފިއެވެ.

Ads by STELCO

ފިޝަރީޒް މިނިސްޓްރީން ބުނީ އެ ކަނދުފަތި ގާއިމުކުރީ ނެޔޮގެ އިރުން ހަ މޭލު ބޭރުގައި ކަމަށެވެ.

އެ ވަދު ކަނދުފަތީގެ ނަންބަރަކީ D09V04 އެވެ.

އެ ވަދު ކަނދުފަތި އަޅާފައިވާ ލޮކޭޝަން

06°26.195’N

09.465 73°’E

އެ ވަދު ކަނދުފަތި ގާއިމުކުރުމުގެ ސަބަބުން އެ ސަރަހައްދުގެ މަސްވެރިކަން އިތުރަށް ކުރިއަރައި ހާއްސަކޮށް ޒުވާން މަސްވެރިންނާއި ސްޕޯޓްސް ފިޝިންގްގައި ޝާމިލްވާ ފަރާތްތަކަށް ވަރަށް ބޮޑު ފަސޭހައެއް ލިބިގެންދާނެކަމަށް ވެސް މިނިސްޓްރީން ބުންޏެވެ.

ވަދު ކަނދުފަތި ގާއިމްކުރުމަކީ ސަރުކާރުގެ މަސްވެރިކަން ތަރައްގީކުރުމުގެ ސިޔާސަތުގެ ދަށުން ކުރަމުން ގެންދާ މުހިންމު މަސައްކަތެކެވެ. އަދި ކުރިއަށް އޮތް ތަނުގައި ރާއްޖޭގެ އެކި ސަރަޙައްދުތަކުގައި ކަނދުފަތި ގާއިމުކުރުމުގެ މަސައްކަތް މިނިސްޓްރީން ދަނީ ކުރަމުންނެވެ.