ނުކުޅެދުންތެރިކަން ހުންނަ ފަރާތްތައް ޝާމިލްކުރުމުގެ ގައުމީ މަގުޗާޓު އިފްތިތާހުކޮށްފި
ނުކުޅެދުންތެރިކަން ހުންނަ ފަރާތްތައް ޝާމިލްކުރުމުގެ ގައުމީ މަގުޗާޓު މިއަދު އިފްތިތާހުކޮށްފިއެވެ.
މިއަދު ހެނދުނު ހޮޓެލް ޖެންގައި ބޭއްވި ރަސްމިއްޔާތެއްގައި އެ މަގު ޗާޓު އިފްތިތާހުކޮށްދެއްވީ ނައިބު ރައީސް ހުސެއިން މުހައްމަދު ލަތީފްއެވެ.
މިއަދުގެ ހަފްލާފައި ނައިބު ރައީސް ވިދާޅުވީ މިއަދު އިފުތިތާހުކުރެވިގެންދިޔަ މަގުޗާޓަކީ، ސަރުކާރުން އިސްނަގައިގެން ކުރެވުނު އެންމެ މުހިންމު އެއް މަސައްކަތް ކަމަށެވެ. އަދި މިއީ ނުކުޅެދުންތެރިކަން ހުންނަ ފަރާތްތަކުގެ ހައްގުތައް ކަށަވަރުކުރުމުގައި، ކުރިއަށް އެޅުނު ވަރުގަދަ ތާރީހީ ފިޔަވަޅެއްކަން ވެސް އެމަނިކުފާނުގެ ވާހަކަފުޅުގައި ފާހަގަކުރެއްވިއެވެ.
އަދި އެމ މަގުޗާޓު އެކުލަވާލުމުގައި، ޔުނައިޓެޑް ނޭޝަންސް ޑިވެލޮޕްމެންޓް ޕްރޮގްރާމް، (ޔޫއެންޑީޕީ)އިން ކުރި މަސައްކަތް ފާހަގަކުރައްވައި، ރާއްޖޭގައި ކުރެވޭ މިފަދަ ގިނަ މަސައްކަތްކުގައި ޔޫއެންޑީޕީގެފަރާތުން މެދުކެނޑުމެއް ނެތި ލިބެމުންދާ އެއްބާރުލުމާއި އެހީތެރިކަން އެމަނިކުފާނު ޝުކުރުވެރިކަމާއެކު ފާހަގަކުރެއްވިއެވެ
ނުކުޅެދުންތެރިކަން ހުންނަ ފަރާތްތަކުގެ ހައްގުއް ރައްކާތެރިކޮށް، އެމީހުން ބާރުވެރިކުރުވުމަށް ސަރުކާރުން ކުރައްވަމުން ގެންދަވާ މަސައްކަތްތައް އެންމެ ފުރަތަމަ ދުވަހުން ފެށިގެންވެސް ރައީސް ޑރ. މުހައްމަދު މުއިއްޒު ވަރަށް ގާތުން ބައްލަވަމުންދާ ކަމަށެވެ.
އަދި މިހާތަނަށް ނުކުޅެދުންތެރިކަން ހުންނަ 356ފަރާތަކަށް ސަރުކާރުގެ އެކި އިދާރާތަކުން ވަޒީފާ ހަމަޖައްސައި ދެވިފައިވާކަން ނައިބު ރައީސް ފާހަގަކުރެއްވިއެވެ.
Ads by STO
