ޖޭއެސްސީ އިސްލާހު ކުރުމަށް ޢާންމުންގެ ޚިޔާލު ހޯދަނީ

ޖުޑީޝަލް ސަރވިސް ކޮމިޝަން (ޖޭއެސްސީ) އެކުލެވިގެންވާ ގޮތް އިސްލާހުކުރުމާ ގުޅޭގޮތުން ޢާންމުންގެ ޚިޔާލު ހޯދުމަށް ފުރުސަތު ހުޅުވާލައިފިއެވެ.

ޖޭއެސްސީ އެކުލެވިގެންވާ ގޮތް އިސްލާހު ކުރުމަށްޓަކައި ޤާނޫނުއަސާސީއަށް ގެންނަންޖެހޭ އިސްލާހުތައް އެކުލެވޭ ބިލު އެކުލަވާލައި, ރައްޔިތުންގެ މަޖިލީހުގެ މި ދައުރުގެ ތެރޭގައި ހުށަހެޅުމަށް ސަރުކާރުން ވަނީ ގަސްދުކޮށްފައެވެ.

އެޓާނީ ޖެެނެރަލްގެ އޮފީހުން މިހާރު ވަނީ ބައެއް މުއައްސަސާތަކާއެކު އެކަމާ ގުޅޭ މަޝްވަރާ ބައްދަލުވުންތައް ވެސް ފަށާފައެވެ.

އެ އޮފީހުން އިއްޔެ ބުނީ ރައްޔިތުންގެ ޚިޔާލު ހޯދުމަކީ ވެސް މުހިންމު ކަމެއް ކަމުގައި ފެންނާތީ ކަމާގުޅޭ ގޮތުން ޢާންމުންގެ ޚިޔާލު ހޯދުމަށްޓަކައި އެ ފުރުސަތު ޢާންމުކޮށް ހުޅުވާލައިފައިވާ ކަމަށެވެ.

އެ ގޮތުން އެކަމަށްޓަކައި އެކުލަވާލާފައިވާ ފޯމު މެދުވެރިކޮށް ޚިޔާލު ހުށަހެޅުއްވުމަށް މި ލިންކް  ( https://tinyurl.com/mwj3mkm7 ) ވެސް ބޭނުން ކުރެވޭނެއެވެ. އަދި އީމެއިލްގެ ޒަރީއާއިން ޚިޔާލު ހުށަހަޅަން ބޭނުންވާ މީހުންނަށް ( [email protected]  ) އަށް އީމެއިލް ކުރުމުގެ ފުރުސަތު އޮންނާނެކަމަށް ވެސް އޭޖީ އޮފީހުން ބުންޏެވެ.