މާފުށީ ހޮސްޕިޓަލުގައި ފިޒިއޮތެރަޕީގެ ހިދުމަތް ފަށައިފި

ކ. މާފުށީ ހޮސްޕިޓަލުގައި ފިޒިއޮތެރަޕީގެ ހިދުމަތް ފަށައިފިއެވެ.

Ads by Allied

އެ ހިދުމަތް ފެށީ މިއަދު އެ ހޮސްޕިޓަލުގައި ބޭއްވި ހާއްސަ ރަސްމިއްޔާތެއްގައެވެ.

މާފުށީ ހޮސްޕިޓަލުން ބުނީ ފިޒިއޮތެރަޕީގެ ހިދުމަތް މާފުށީގައި ފެށުމުން ދެން ފިޒިއޯގެ އެކިއެކި ފަރުވާ ރަށުގައި ހުރެގެން ލިބޭނެ ކަމަށެވެ.

އެ ހިދުމަތް ފެށީ މާފުށީ ކައުންސިލްއާއި އެ ރަށުގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިތުރުން ހެލްތު މިނިސްޓްރީގެ އެހީއާ އެކު ކަމަށް ވެސް ހޮސްޕިޓަލުން ބުންޏެވެ.

މާފުއްޓަކީ ލޯކަލް ޓޫރިޒަމްގައި ރާއްޖޭގައި އެންމެ ވަރުގަދަ ރަށެވެ. އެހެންވެ މާފުށީ ހޮސްޕިޓަލުގައި ފިޒިއޯގެ ހިދުމަތް  ފެށުމުން ރަށަށް ޒިޔާރަތްކުރާ ފަތުރުވެރިންނަށް ވެސް އޭގެ ނަފާ ލިބިގެންދާނެއެވެ.