ޕޮލިސް ކޮމިޝަނަރުގެ މަގާމަށް އަހުމަދު މުހައްމަދު އައްޔަނުކޮށްފި
ޕޮލިސް ކޮމިޝަނަރުގެ މަގާމަށް އަހުމަދު މުހައްމަދު(ޓޫފޯ) އައްޔަނުކޮށްފިއެވެ.
ފުލުހުންގެ ރަސްމީ އެކައުންޓުން އެކްސްގައި މިއަދު މެންދުރު ކުރި ޕޯސްޓެއްގައި ވަނީ ރައީސް ޑރ. މުހައްމަދު މުއިއްޒު އެ މަގާމަށް އަހުމަދު އައްޔަނުކުރެއްވިކަން ހާމަކޮށްފައެވެ.
އަހުމަދު އެ މަގާމަށް އައްުޔަނުކުރުމުގެ ކުރިން ހުންނެވީ އެސިސްޓެންޓް ޕޮލިސް ކޮމިޝަނަރުގެ މަގާމުގައެވެ. އަދި އޭގެ އިތުރުން ވެސް ފުލުހުންގެ ހިދުމަތުގައި އޭނާ ވަނީ މުހިންމު މަގާމުތައް އަދާކުރައްވައިފައެވެ.
ނަވާރަސަތޭކަ ނުވަދިހަ ފަހަކުން ފެށިގެން ފުލުހުންގެ ހިދުމަތުގައި ހިދުމަތް ކުރައްވަމުން ގެންދަވާ އަހުމަދު ވަނީ ޝަރީއާއިން ބެޗެލާސް ޑިގްރީ ހާސިލުކުރައްވައިފައެެވެ.
ޕޮލިސް ކޮމިޝަނަރުގެ މަގާމު ހުސްވީ އެ މަގާމުގައި ހުންނެވި އިސްމާއިލް ނަވީން މިދިޔަ ފެބްރުއަރީ މަހު ފަހުކޮޅު ރިޓަޔާކުރެއްވުމާ ގުޅިގެންނެވެ. އޭގެ ފަހުން ފުލުހުންގެ ހިދުމަތް ވަގުތީގޮތުން ހިންގުން ޑެޕިއުޓީ ކޮމިޝަނާ އޮފް ޕޮލިސް ފަރުހާދު ފިކުރީއާ އޮތީ ހަވާލުކޮށްފައެވެ.
އަހުމަދުއަކީ މި ސަރުކާރުގެ ތިންވަނަ ޕޮލިސް ކޮމިޝަނަރެވެ.
މި ސަރުކާރުގެ ފުރަތަމަ ޕޮލިސް ކޮމިޝަނަރު އިސްމާއިލް ޝުޖާއު ރިޓަޔާ ކުރެއްވީ މިދިޔަ އަހަރުގެ އެޕްރީލް މަހުއެވެ.
އަސްލު ވީ ގޮތަކީ، ޝުޖާއު ދިނީ އިސްތިއުފާ. ނަވީންގެ ކަނޑާލީ އަނބިމީހާގެ ކަމަކާހެދި. ދެން މިއަދު ސީޕީކަން ތި ހަވާލު ކުރީ ޕޮލްކޯ ފްލެޓް ލާރީގެ މައްސަލައިގައި ސަސްޕެންޑް ކޮށްފަ ހުރި ޓޫފޯ. ހުސް އެއްވަރުގެ މީހުން. މިހެން ސީދާކޮށް ހަބަރުތަކުގައި ޖަހާލާކަށް ނުކެރޭދޯ.
ސީޕީ ޝުޖާއު ދިޔައީ މިނިވަންކަމާއެކު މަސައްކަތް ކުރުމުގެ ފުރުސަތު ނުލިބުނީމާ ކޮމްޕްރަމައިސް ނުވަންވެގެން. މިދައުރުގައި ލިބޭނެ އެންމެ ރަގަޅު އަދި މުވައްސަސާގެ އިތުބާރު ހޯދޭނެކަމަށް ފުލުހުންވެސް ގަބޫލުކުރާ ސީޕީއަކީ އެއީ.
ދޮންކަލޯ އަށް މާބޮޑަށް ތިހިތީ އެނގިފަ. ޝިޖާ އަކީ ފުލުހުންގެ ގަވައިދު ބަދަލު ކޮށްގެން ނަހަލާލައް ޕޮލްކޯ ފްލެޓް ހޯދި އެކަކު. މުވައްސަސާއަށް 20 އަހަރު ހަމަ ނުވަނީސް ސީޕީކަން ކޮށްފައި އެދިޔައީ އެތާގައި 30 އަހަރު އުޅެފަ ރިޓަޔަރ ކުރީމަ ލިބޭ ފުލް ބެނިފިޓް ވެސް ނުގަވައިދުން ހޯދައިގެން. ދެން ތި ދައްކަނީ އިތުބާރުގެ ވާހަކަ. އޭނާއަކީ ފުލުހުންގެ މުވައްސަސާއެއް ހިންގުމުގެ އެކްސްޕީރިއަންސްއެއް ހުރި މީހެއްނޫން. އެއީ ޕްރިންސިޕަލްއެއް. ސްކޫލެއް ހިންގާހެން ނުހިންގިގެން އިސްތިއުފާދީފަ ދިޔައީ. ތަންދޮރު އިނގިގެން ކޮމެންޓް ކޮށްލާ ބުރޯ..!