އެއާޕޯޓަށް އަރާ މަގުގައި ނުރައްކާތެރި އެކްސިޑެޓެއް ހިނގައި މީހަކަށް ފަރުވާދޭން ފަށައިފި
ސިނަމާލެ ބްރިޖުން ވެލާނާ އިންޓަނޭޝަނަލް އެއާޕޯޓަށް ދަތުރުކުރާ މަގުގެ ޓްރެފިކް ލައިޓް ކައިރިން ކާރަކާއި ސައިކަލެއް އެކްސިޑެންޓުވެ، ސައިކަލު ދުއްވަން އިން މީހާއަށް އަނިޔާވެގެން ހޮސްޕިޓަލުގައި ފަރުވާދޭން ފަށައިފިއެވެ.
ދިވެހި ފުލުހުންގެ ޚިދުމަތުން ބުނީ، މި ހާދިސާގެ ރިޕޯޓު އެ މުއައްސަސާއަށް ލިބިފައި ވަނީ މިއަދު ހެނދުނު 7:38 ހާއިރުއެވެ. މި ހާދިސާގައި އަނިޔާލިބުނު ފަރާތް ވަގުތުން އިންދިރާ ގާނދީ މެމޯރިއަލް ހޮސްޕިޓަލް (އައިޖީއެމްއެޗް)އަށް ގެންގޮސް ފަރުވާދެމުންދާ ކަމަށެވެ. ނަމަވެސް އެމީހާއަށް ލިބިފައިވާ ޒަޚަމްތަކުގެ ތަފްސީލެއް ފުލުހުން ހާމަކޮށްފައެއް ނުވެއެވެ.
މި އެކްސިޑެންޓް ހިނގަން މެދުވެރިވި އަސްލު ސަބަބު ދެނެގަތުމަށްޓަކައި ފުލުހުން މިހާރު ގެންދަނީ މި މައްސަލަ އިތުރަށް ތަޙުޤީޤުކުރަމުންނެވެ.
