ދައުލަތުގެ ޚަރަދު 33.5 ބިލިއަން ރުފިޔާއަށް، އާމްދަނީ 30.2 ބިލިއަން ރުފިޔާއަށް
މިދިޔަ މަހުގެ 24 ގެ ނިޔަލަށް ދައުލަތަށް އާމްދަނީ އާއި ހިލޭ އެހީގެ ގޮތުގައި ޖުމްލަ ދައުލަތުގެ ޚަރަދު 33.5 ބިލިއަން ރުފިޔާއަށް، އާމްދަނީ 30.2 ބިލިއަން ރުފިޔާއަށް އަރައިފިއެވެ.
މިނިސްޓްރީ އޮފް ފައިނޭންސް އެންޑް ޕަބްލިކް އެންޓަޕްރައިޒަސްއިން އާންމުކޮށްފައިވާ "ވީކްލީ ފިސްކަލް ޑިވެލޮޕްމަންޓްސް" ރިޕޯޓުގެ ތަފާސްހިސާބުތަކުން ދައްކާގޮތުގައި 24 ސެޕްޓެމްބަރ 2026ގެ ނިޔަލަށް އާމްދަނީ އާއި ހިލޭ އެހީގެ ގޮތުގައި ޖުމްލަ 30.2 ބިލިއަން ރުފިޔާ ލިބިފައިވެއެވެ. އަދި ހަމަ މި މުއްދަތުގައި ދައުލަތުގެ ޖުމްލަ ޚަރަދު ވަނީ 33,5 ބިލިއަން ރުފިޔާއަށް އަރާފައެވެ. މިއާ އެކު މިހާތަނަށް ދައުލަތުގެ އޯވަރޯލް ބެލެންސްއަކީ 3,3 ބިލިއަން ރުފިޔާގެ ޑެފިސިޓެކެވެ (ދަރަންޏެކެވެ).
ދައުލަތަށް ލިބުނު އާމްދަނީއަށް އައި ބަދަލު:
- އާމްދަނީގެ 77% ހިއްސާކުރަނީ ޓެކްސްގެ ގޮތުގައި ލިބުނު ފައިސާ.
- 21% އަކީ ޓެކްސް ނޫން ގޮތްގޮތުން ލިބުނު އާމްދަނީ.
- ބާކީ 2% އަކީ ހިލޭ އެހީގެ ގޮތުގައި ލިބިފައިވާ ފައިސާ.
ފާއިތުވި ހަފްތާގައި އާމްދަނީއަށް އެންމެ ބޮޑު ކުރިއެރުމެއް ލިބިފައި ވަނީ ޓޫރިޒަމް ދާއިރާއިން ނަގާ ޓީ.ޖީ.އެސް.ޓީ އިންނެވެ. ޓެކްސް އާމްދަނީގެ ގޮތުގައި ޖުމްލަ 23,3 ވިލިއަން ރުފިޔާ ދައުލަތަށް ލިބިފައިވެއެވެ.
ފިނޭންސްއިން ބުނީ މި މުއްދަތުގައި ޖުމްލަ ޚަރަދުގެ ބޮޑު ބައެއް ހިއްސާކުރަނީ ދައުލަތް ހިންގުމުގެ ރިކަރަންޓް ޚަރަދެވެ. އެއީ ޖުމްލަ ޚަރަދުގެ 86%އެވެ. އެއީ ކެޕިޓަލް ޚަރަދުގެ ގޮތުގައި 14% ވަނީ ހޭދަކޮށްފައެވެ. އަދި ފާއިތުވި ހަފްތާގައި ބަޖެޓުގެ ޚަރަދުތަކަށް އެންމެ ބޮޑު އިތުރުވުމެއް އައިސްފައި ވަނީ އާސަންދައިގެ ޚަރަދުތައް އިތުރުވުމުގެ ސަބަބުންނެވެ. އެގޮތން 24 ސެޕްޓެމްބަރުގެ ނިޔަލަށް އާސަންދައަށް އެކަނި ވެސް 1,747.9 ބިލިއަން ރުފިޔާ ވަނީ ޚަރަދުކޮށްފައެވެ.
