ކޮވިޑް-19އާ ގުޅިގެން އައިޖީއެމްއެޗްގައި މެދުކަނޑާލި ބައެއް ހިދުމަތްތައް އާއްމު ހާލަތަަށް ގެނެސްފި

އައިޖީއެމްްއެޗްގައި ކޮވިޑް-19 އާ ގުޅިގެން މެދުކަނޑާލި ބައެއް ހިދުމަތްތައް އާއްމު ހާލަތަށް ގެނެސްފިއެވެ.

Ads by MWSC

އެ ހޮސްޕިޓަލުން މިއަދު ބުނީ، މީގެ ކުރިން ރޫޓިންކޮށް ދެމުންދިޔަ މެމޮގްރާމް ފަދަ ހިދުމަތްތައް ދިނުމުގެ އުސޫލަށް ބަދަލު ގެނެސްފައިވާ ކަމަށާއި އަދި އެ ހިދުމަތްތައް އަލުން ކުރިއެކޭ އެއްގޮތަށް އާންމު ހާލަތުގައި ދޭ އުސޫލުން ފޯރުކޮށްދިނުމަށް ނިންމާފައިވާ ކަމަށެވެ.

މިހާރު ކޮވިޑަށް ފައްސި ވާ މީހުންގެ އަދަދު އެއްވަރެއްގައި ހިފެހެއްޓިފައި ވާއިރު އައިޖީއެމްއެޗްއިން ވެސް މީގެ ކުރިން ކޮވިޑް-19 އަށް ފައްސިވި މީހުންގެ އަދަދު 40 އަށްވުރެ މައްޗަށް އަރާފައި ވެއެވެ.

ކޮވިޑު19 އާއި ގުޅިގެން ރައްކާތެރިކަމުގެ ފިޔަވަޅެއްގެ ގޮތުން އައިޖީއެމްއެޗުން ވަނީ އެ ހޮސްޕިޓަލުން ދެމުންދިޔަ ހިދުމަތްތަކުގެ ތެރެއިން ބައެއް ހިދުމަތްތައް މެދު ކަނޑާލުމުގެ އިތުރުން ބަލިމީހުންނަށް ޒިޔާރަތްކުރުން ވެސް ވަނީ ވަގުތީ ގޮތުން މެދުކަނޑާލައިފައެވެ.

އެހެން ނަމަވެސް މިހާރު މެދުކަނޑާލި ބައެއް ހިދުމަތްތައް އާއްމު ހާލަތަަށް ގެނެސްފައި ވާކަމަށް އައިޖީއެމްއެޗް އިން އާންމުކުރިއިރު ކުރިޔެކޭ ވެސް އެއްގޮތަށް މި ހިދުމަތްތައް އަލުން ކުރިޔަށް ގެންދިޔުމަށް ހަމަޖެހިފައި ވެއެވެ.