ލޯބިވަންޏާ ހަމަ ކޮންމެހެން ވެސް ޕާސްވޯޑު ދޭން ޖެހޭނެތަ؟
މިއީ މިޒަމާނުގައި ވަރަށް ގިނަ މީހުންނަށް ޖެހިފައިވާ ބައްޔެކެވެ. ލޯބީގެ ގޮތުން ގުޅިގެން އުޅޭ މީހާއަށް ނުވަތަ ކައިވެނި ކޮށްގެން އުޅޭ މީހާއަަށް ތިމާ ގެންގުޅޭ ހުރިހާ މީސްމީޑިއާ އެކައުންޓެއްގެ ޕާސްވޯޑު ދިނުމެވެ. ޚާއްސަކޮށް ޗެޓް ކުރެވޭ އެޕްލިކޭޝަނެއް ނަމަ، ބައިވެރިޔާއަށް ޕާސްވޯޑު އެނގުމަކީ ކޮންމެހެން ވެސް މަޖުބޫރު ކަމެކެވެ.
ގިނަ ފަހަރަށް މިފަދައިން ޕާސްވޯޑު ހޯދަން ބޮޑަށް ބޭނުންވެގެން އުޅެނީ އަންހެނުންނެވެ. ގިނަ އަންހެނުންގެ ބައިވެރިން ފޯނާ ކުޅެން މާގިނައިރު އިނުމަކީ، އެމީހުންގެ ހިތްތަކުގައި ޝައްކުގެ ހުރިހާ ދޮރެއް ހުޅުވި، ބައިވެރިޔާއިން އެފްބީއައި އޭޖެންޓަކަށް ވަގުތުން ބަދަލުވާ ކަމެކެވެ.
އެފަފަ ހާލަތްތަކުގައި އަންހެނުން ބަލާނީ ވީއެންމެ އަވަަހަކަށް، އެމީހުންގެ ލޯބިވެރިޔާ ނުވަތަ ފިރިމީހާ މާވަރަކަށް ހޭވައްޓާލާފައި އެވާހަކަ ދައްކަނީ ކާކާތޯ ބަލާށެވެ.
އެގޮތުން ފުރަތަމަ ކަމަށް ބައިވެރިޔާ ފޯނުން އެކުރާކަމެއް ފެނޭތޯ މަސައްކަތް ކުރެއެވެ. ކާމިޔާބު ވިޔަސް ނުވިޔަސް، ފަހުން އިތުރަށް ބަލާ، ދިރާސާކުރަން، ދެން ބޭނުން ވާނީ ޕާސްވޯޑެވެ. ފަސޭހައިން ޕާސްވޯޑު ދީފިނަމަ، ބައެއް އަންހެނުން އެކަމެއް އިތުރަށް ބަލަން ފޫހިވެއެވެ. ސަބަބަކީ އެމީހުންގެ ބައިވެރިން "އެހެން ކަމެއް" ނުކުރާކަމަށް ޔަގީންވުމެވެ. ނަމަވެސް ޕާސްވޯޑަށް އެހުމުން އެ ނުދީފިނަމަ، ކަންތަކާއި ޖެހުނީއެވެ. ނުދޭނީ ކޮންމެވެސް ކަމެއް ސިއްރުން ކުރާތީ ކަމަށް ޔަގީން ކޮށްލާނެއެވެ.
ޝައްކާއި ވަސްވާސްތައް މިވަރަކުން ނުނިމެއެވެ. ޕާސްވޯޑު ނުދީފިނަމަ ބައިވެރިޔާ ނިދާފައި އޮންނަ ގަޑީގައި ނުވަތަ ފާޚާނާގައި އުޅޭ ގަޑީގައި ވިޔަސް ފޯނު ބަލާ ހާވާ ހަދާނެއެވެ. އަންހެނުން ޒީނަތްތެރިވާން ކިތަންމެ ގިނައިރެއް ނެގިޔަސް ބައިވެރިޔާގެ ފޯނު ހޭވުން ފަދަ ނާޒުކު ދަނޑިވަޅުގައި ވަރަށް އަތްފައި ހަލުވި ވާނެއެވެ. މެސެޖުތަކާއި، ޗެޓުތަކާއި، އެންމެ ގިނައިން ވާހަކަ ދައްކާފައި ހުންނަ މީހުންނާއި، ކިރިޔާވެސް މީހަކާއި ނުގޮތަކަށް ވާހަކަ ދައްކާފައި ހުރިނަމަ އެވާހަކަ ދެއްކި މީހަކާއި ވަގުތަކާއި، ގެލެރީގައި ހުންނަ ފޮޓޯތައް ވެސް ބަލާލައެވެ. އަދި އަމިއްލައަށް ޖާސޫސްކޮށް، އެކަމެއްގެ "އަޑި" ހޯދޭތޯ މަސައްކަތް ކުރާނެއެވެ. ދެން ފަހުން ކަންކަން ވާނެ ގޮތެއް ތިޔަ ބޭފުޅުން އަމިއްލައަށް އަންދާޒާ ކޮށްލާށެވެ.
މިއީ ގިނައިން އަންހެނުން އުޅޭ ގޮތެއް ކަމުގައިވިޔަސް، މިހެން އުޅޭ ފިރިހެނުން ވެސް މަދެއް ނޫނެވެ. އަނބިމީހާ ނުވަތަ ލޯބިވެރިޔާ ގެއްލިދާނެ ކަމުގެ ބިރަށް ޕާސްވޯޑު ހޯދާ، ނުދީފިނަމަ އެމީހުންގެ އައިޑީތައް ހެކް ކުރަން އުޅޭ ފިރިހެނުން ވެސް މަދެއް ނޫނެވެ.
ޕާސްވޯޑު ހޯދުމަށް ގިނަ މީހުން އެންމެ އާންމު ގޮތެއްގައި ބުނާ އެއްޗަކީ "ލޯބިވަންޏާ ޕާސްވޯޑު ދޭނެ" ކަމަށެވެ. އެކަމަކު މިއީ ހަގީގަތުގައި ވެސް އެކަން އޮންނަން ޖެހޭ ގޮތް ހެއްޔެވެ؟ ލޯބި ވަންޏާ އިތުބާރު ކުރުމެއް ނެތް ހެއްޔެވެ؟
މިއީ ހަގީގަތުގައި ދެރަ ކަންކަމެވެ. ގުޅުމެއްގައި އުޅޭނަމަ އެކަކު އަނެކަކަށް އިތުބާރު ކުރަންވާނެއެވެ. މިނިވަންކަން ވެސް ދޭން ވާނެއެވެ. އައިޑީއެއްގެ ޕާސްވޯޑު ނުލިބިގެން އުޅޭއިރު، ތިމާގެ ބައިވެރިޔާ ގާތު އެހެން މީހުން އެމީހުންގެ އަމިއްލަ ވާހަކަ ވެސް ދައްކާފައި ހުރެދާނެކަމާއި ބައިވެރިޔާ އެސިއްރު ހިފަހައްޓަން ބޭނުންވާނެކަން ވެސް އެނގި، އިހްތިރާމް ކުރަން ވާނެއެވެ.
ގިނަފަހަރު ސިއްރު ޕާސްވޯޑް ޖަހައިގެން އުޅޭމީހުން ވަގުބިޓުން ގެންގުޅޭ.