މޭޔަރު ޝިފާގެ މައްސަލަ އަނބުރާ ފޮނުވާލައިފި
މާލެ ސިޓީ ކައުންސިލުން ލޮނުޒިޔާރަތްކޮޅުގައި ތަރައްޤީކޮށްފައިވާ ޕާކް (އަޑި ޕާކް) ގެ މައްސަލައިގައި މާލޭގެ މޭޔަރު ސިފާ މުހައްމަދުގެ މައްޗަށް ދައުވާކުރަން އެންޓި ކޮރަޕްޝަން ކޮމިޝަނުން (އޭސީސީ) ޕްރޮސެކިއުޓަރ ޖެނެރަލްގެ އޮފީހަށް ފޮނުވި މައްސަލަ އަނބުރާ ފޮނުވާލައިފިއެވެ.
މިއަހަރުގެ ސެޕްޓެމްބަރު މަހުގެ 29 ގައި އޭސީސީން ހުށަހެޅި އެމައްސަލަ އަނބުރާ ނިންމި ސަބަބެއް ކަމަށް ޕީޖީ އޮފީހުން ބުނީ ބައެއް ކަންކަން އިސްލާހު ކުރުމަށް ކަމަށެވެ.
ޝިފާގެ މައްޗަށް މިމައްސަލައިގައި ދައުވާ ކުރުމަށްޓަކައި އޭސީސީން ފޮނުވާފައިބވަނީ ޤާނޫނުލްއުޤޫބާތުގެ 513 ވަނަ މާއްދާގެ (ށ) ގައި ބަޔާންބކޮށްފައިވާ ފަދަ ކޮރަޕްޝަންގެ ޢަމަލެއް ހިންގާފައިވާކަމުގެ ދައުވާ ކޮށްދިނުމަށެވެ.
އެގޮތުން އޭސީސީން މިމައްސަލައިގައި ފާހަގަ ކޮށްފައިވަނީ ލޮނުޒިޔާރަތްކޮޅު ސަރަޙައްދުގައި ޕާކު ތަރައްޤީކުރުމަށް މާލޭ ސިޓީ ކައުންސިލުން ހިންގާފައިވާ މަޝްރޫޢުގައި ހިމެނޭ ޢިމާރާތުގެ މަސައްކަތްތަކުގެ ތެރެއިން ދެ ފާޚާނާބަރީގެ މަސައްކަތް އަމީން ކޮންސްޓްރަކްޝަން ޕވޓ. ލޓޑ. އިން ކޮށް ނިންމާފައިވާ ކަމާއި، އިޢުލާނު ކޮށްގެން ވާދަވެރި ބީލަމެއްގެ ތެރެއިން މި މަސައްކަތް ހަވާލު ކުރެވެން އޮތްކަން ތަޙުޤީޤަށް ފާހަގަ ކުރެވިފައިވާއިރު، އަމީން ކޮންސްޓްރަކްޝަން ޕވޓ. ލޓޑ. އާ މި މަސައްކަތް ހަވާލުކޮށްފައި ވަނީ ލިޔެކިޔުމެއް ނެތި ވާދަވެރި ދެފުށްފެންނަ އުޞޫލަކުން ނޫން ކަމަށެވެ.
