ރެސިޑެންސް ވިސާ ދިނުމަށް ގެނައި އިސްލާހަކީ ހީލަތްތެރި ރޭވުމެއް: އިދިކޮޅު

ބިދޭސީންނަށް ރެސިޑެންޓް ވިސާ ލިބޭ ގޮތަށް އިމިގްރޭޝަން ޤާނޫނަށް ރައްޔިތުންގެ މަޖިލީހުން އިއްޔެ ގެނައި އިސްލާޙު ޕްރޮގްރެސިވް ކޮންގްރެސް ކޯލިޝަނުން ބަލައި ނުގަންނަ ކަމަށް ޕޮރޮގްރެސިވް ޕާޓީ އޮފް މޯލްޑިވްސް ޕީޕީއެމުން ބުނެފިއެވެ.

Ads by MWSC

މިއަދު ޕީޕީއެމުން ނެރުނު ނޫސްބަޔާނެއްގައި ވިދާޅުވީ، ރާއްޖޭގައި 250،000 ޑޮލަރު އިންވެސްޓްކުރާ ބިދޭސީންނަށް ރެސިޑެންޓް ވިސާ ލިބޭ ގޮތަށް އިމިގްރޭޝަން ޤާނޫނަށް ރައްޔިތުންގެ މަޖިލީހުން އިއްޔެ ގެނައި އިސްލާހު ބަލައި ނުގަންނަ ކަމަށެވެ.

އެ އިސްލާހު ބަލައި ނުގަންނަން ނިންމާފައި ވަނީ ޤައުމުގެ ހަމަޖެހުމަށާއި މިނިވަން ކަމާއި އިސްތިޤްލާލަށް ނޭދެވޭ އަސަރުތަކެއް ކުރާނެތީ ކަމަށް ނޫސް ބަޔާނުގައި ވެއެވެ. އަދި ރާއްޖޭގެ ވިޔަފާރިތަކަށް އިތުރު ގެއްލުންތައް ކުރިމަތިވެ،ދިވެހި ރައްޔިތުންގެ ދިރިއުޅުމަށް ވެސް އޭގެ ސަބަބުން އެތައް ނުރައްކާތަކެއް ކުރިމަތިވާނެތީ ކަމަށެވެ.

އެގޮތުން މިފަދަ ގޮތަކަށް ރާއްޖޭގައި ވަޒަންވެރިވެ ކުރުމުގެ މަދަނީ ހުއްދަ ދޫކުރާ ގޮތަށް އިމިގްރޭޝަން ޤާނޫނަށް މި ގެނެވުނު އިސްލާހުގެ ސަބަބުން ކޯލިޝަނާއި ދިވެހި ރައްޔިތުންގެ އެންމެ ބޮޑު ކަންބޮޑުވުމަކީ،ކައިރި ޤައުމުތަކުން އަގުހެޔޮ ލޭބަރުން އިތުރުވެ، އެމީހުން ގެސްޓް ހައުސްއާއި އެހެނިހެން ވިޔަފާރީގެ ކޮންޓްރޯލް ނެގުމާއި ރާއްޖޭގެ އާބާދީގެ ތެރޭގައި ދިވެހިންގެ ގޮތުގައި މަޑު މަޑުން ބަލައިގަންނަން ފެށުންް ކަމަށްވެސް މި ނޫސް ބަޔާނުގައި ވެއެވެ.

ޕީޕީއެމުން ބުނާ ގޮތުގައި މި އިސްލާހު ފާސް ކުރުމުގައި ސަރުކާރާއި ސަރުކާރު ހިމެނޭ ކޯލިޝަން މިކަމުގައި ހަނު ތިބެގެން ކުރާ މަސައްކަތް ކުށްވެރިކުރާ ކަމަށެވެ.