ޚިޔާލު ފާޅު ކުރުމާއި އެއްވެ އުޅުމުގެގެ ޙައްޤު ފުލުހުންނަށް ނުލިބޭ ގޮތަށް ބިލުގައި މާއްދާއެއް ހިމަނައިފި
ވަކި ޚާއްސަ ހާލަތެއްގައި، ޚިޔާލުފާޅު ކުރުމާއި އެއްވެ އުޅުމުގެ ޙައްޤު ފުލުހުންނަށް ނުލިބޭ ގޮތަށް ފުލުހުންގެ ޚިދުމަތުގެ ޤާނޫނުގައި މާއްދާއެއް ހިމަނައިފިއެވެ.
މިމާއްދާ ހިމެނުމަށްފަހު ފުލުހުންގެ ހިދުމަތުގެ ބިލު ދިރާސާކުރި ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީ (241 ކޮމިޓީ) އިން މިހާރު ވަނީ އެބިލު ފާސްކޮށް ތަޅުމަށް ވެސް ފޮނުވާފައެވެ.
ރައްޔިތުންގެ މަޖިލިހުގެ ހެންވޭރު ހުޅަނގު ދާއިރާގެ މެންބަރު އަދި އެމްޑީޕީ ގެ ޗެއާޕާސަން ޙަސަން ލަތީފު ހުށަހެޅުއްވި މިބިލު ދިރާސާކޮށް ކޮމިޓީން އެކުލަވާފައިވާ ރިޕޯޓްގައިވާ ގޮތުން ޤާނޫނު އަސާސީގެ ޙައްޤުތަކުގެ ބާބުގައި ހިމެނޭ ތިން މާއްދާއެއްގައިވާ ޙައްޤުތައް ފުލުހުންނަށް ނުލިބޭ ގޮތަށް ހިމަނާފައިވެއެވެ.
އެއީ ޤާނޫނު އަސާސީގެ 27 ވަނަ މާއްދާގައިވާ ހިޔާލު ފާޅު ކުރުމުގެ ޙައްޤާއި، ގާނޫނު އަސާސީގެ 31 ވަނަ މާއްދާގައިވާ އިހްތިޖާޖް ކުރުމުގެ ގޮތުން މަސައްކަތް ހުއްޓާލައި ހަޅުތާލު ކުރުމުގެ ޙައްޤާއި، ގާނޫނު އަސާސީގެ 32 ވަނަ މާއްދާގައިވާ އެއްވެ އުޅުމުގެ މިނިވަން ކަމުގެ ޙައްޤެވެ.
ވަރައް ރަނގަޅު ކަމެއް މީ ، ފުލުހުން އުޅެނީ ވަރައް ފެންމައްޗައް އަރައިގެން