އެކުވެރިޔާއެވެ. ގިނަ ރައްޓެހިންނަށް ވުރެ އަހަރެމެން ދެމީހުންގެ މި އެކުވެރިކަން އަހަރެންނަށް މާ މުހިންމެވެ.
އެކުވެރިންނަކީ ކޮންމެ މީހެއްގެ ހަޔާތުގައި ވެސް ވަރަށް މުހިންމު ބައެކެވެ. އާއިލާ ނެގުމަށް ފަހުގައި ގިނަ ކަންކަމުގައި އެންމެ އެއްކޮށް އުޅޭނެ ބަޔަކީ ތިބާގެ އެކުވެރިންނެވެ. ނަމަވެސް ދަންނާށެވެ. ގިނަ ރައްޓެހިންނަށް ވުރެ ހެޔޮލަފާ އެންމެ އެކުވެރިއެއް މާ ރަނގަޅެވެ.
އަހަރެމެން ދެމީހުން އެކުގައި އުޅޭތާ މާގިނަ ދުވަސް ތަކެއް ނުވި ނަމަވެސް އެއްކޮށް ކިޙާ ސަކަރާތެއް ޖެހިއްޖެ ހެއްޔެވެ؟ ކިހާ ކަންކަމެއް ތަޖުރިބާ ކުރެވިއްޖެ ހެއްޔެވެ؟ އެކަކު އަނެކަކުގެ ހިތާމަތަކާއި އުފާތަކުގައި ވެސް އަހަރެމެން ދެމީހުން ހުރީ އެކުގައެއް ނޫން ހެއްޔެވެ؟ ދެވަނަ އެހެން މީހަކު ނެތް ނަމަވެސް ތިޔަ އެކުވެރިޔާ ތާއަބަދު އަހަރެން ކަމަކު ބޭނުން ވެއްޖެނަމަ އެންމެ ކައިރީގައި އަބަދު ވެސް ވީމެއް ނޫން ހެއްޔެވެ؟
މިއަދު އަހަރެން ތިޔަ އެކުވެރިޔާ އާއެކު ގިނަ ވަގުތު ހޭދަ ކުރާތީ އެކަމާމެދު ހިތްހަމަ ނުޖެހޭ އެތައް ބަޔަކު އުޅޭކަން ވެސް އެނގެއެވެ. އެހެން ނަމަވެސް އެމީހުންގެ އެވާހަކަތަކާއި ޝަކުވާތަކަށް އަހަރެން ބީރުކަންފަތެއް ދިނުމަށް ފަހުގައި ތިޔަ އެކުވެރިޔާއާއެކު ގިނަ ވަގުތު ހޭދަކުރަނީ އަހަރެމެންގެ މި އެކުވެރިކަން އަހަރެންނަށް މުހިންމުވެފައިވާ ވަރު ބޮޑުކަމުންނެވެ.
ކޮންމެ ދުވަހަކު ވެސް އަހަރެމެން ދިމާވަމެއް ނޫން ހެއްޔެވެ؟ އަދި ކޮންމެ ދުވަހަކު ވެސް ދިމާވުމަށް ފަހުގައި އެތައް ސަކަރާތެއް ޖެހެއެއް ނޫން ހެއްޔެވެ؟ އެހެން ނަމަވެސް މަސައްކަތް ކުރަންޖެހޭ ވަގުތު މަސައްކަތް ވެސް ކުރަމެއް ނޫން ހެއްޔެވެ؟ ގޯސްކޮށް ކަމެއް ކުރެވެންޏާ ވިސްނައި ދެމެއް ނޫން ހެއްޔެވެ؟ މިއީ ފުރިހަމަ އެކުވެރިކަމެއް ނޫން ހެއްޔެވެ؟ އަހަރެން މާތްﷲ ގެ ހަޟްރަތުން ތިބާ އަހަރެންގެ އެންމެ ގާތް އެކުވެރިޔާ ކަމުގައި ލެއްވީތީ އަބަދު ވެސް ޝުކުރު ކުރަމެވެ.
އަހަރެން އުއްމީދު ކުރަނީ ކުރިއަށް އޮތް ދުވަސްތަކުގައި ވެސް ތިޔަ އެކުވެރިޔާ ދެގޮތެއް ނުވެ އަހަރެންނާއެކު އަބަދުވެސް ހުންނާނެ ކަމަށެވެ. ހަގީގަތުގައި މިއަދު އަހަރެން މިހިސާބަށް އައުމުގައި ތިޔަ އެކުވެރިޔާގެ ހިއްސާ ވަރަށް ބޮޑެވެ. މާތްﷲ ތިޔަ އެކުވެރިޔާއަށް ފާގަތި މުސްތަގުބަލެއް މިންވަރު ކުރައްވާށި.އެވެ އާމީން!
