ފުޓްބޯޅަ ކުޅުއްވަނިކޮށް މިނިސްޓަރު އަސްވާޑުގެ އުޅަނބޮށި ހުޅުން ނެއްޓިއްޖެ

ފުޓްބޯޅަ ކުޅުއްވަނިކޮށް ޔޫތު މިނިސްޓަރު އިބްރާހީމް ވަހީދު (އަސްވާޑު) ގެ ކަނާއަތުގެ އަތް ހުޅުން ނެއްޓި އަނިޔާވެއްޖެ އެވެ.

ޔޫތު މިނިސްޓްރީގެ މުވައްޒަފަކު "ދެން އޮންލައިން" އަށް މައުލޫމާތު ދެމުން ބުނީ، މިނިސްޓަރަށް އަނިޔާވެވަޑައިގެންނެވީ ޒުވާނުންގެ ދުވަހާ ގުޅިގެން ރޭ ހުޅުމާލޭ ރެހެންދި ޓާފް ދަނޑުގައި ކުޅުނު މެޗެއްގެ ތެރެއިން ކަމަށެވެ.

އެއީ ސަރުކާރު އޮފީސްތަކުގެ މެދުގައި މިހާރު ކުޅެމުންދާ މުބާރާތުގެ މެޗެއްގަ އެވެ.

މިނިސްޓަރަށް ޓްރީޓޮޕް ހޮސްޕިޓަލުގައި ފަރުވާދިނުމަށް ފަހު މިހާރު ދޫކޮށްލާފައިވާ ކަމަށް އެ މުވައްޒަފުން ބުންޏެވެ. އަދި މިނިސްޓަރުގެ ހާލުވެސް ރަނގަޅެވެ.