ސްޓަންޓެއް ޖައްސަން އުޅެނިކޮށް ފުވައްމުލަކު ބަނދަރަށް ކާރެއް ވެއްޓިއްޖެ
ޏ. ފުވައްމުލަކު ބަނދަރު ކައިރީގައި ކާރު ސްޓަންޓެއް ޖައްސަން އުޅެނިކޮށް ކާރު ކޮންޓްރޯލު ނުވެގެން ގޮސް މޫދަށް ވެއްޓިއްޖެއެވެ.
މަންޒަރު ދުށް ބައެއް މީހުން ބުނެފައިވަނީ ކާރު މޫދަށް ވެއްޓުނީ، ބާރު ސްޕީޑުގައި ދުއްވާފައި ގޮސް ވައްބުރެއް ގޮތަށް ކަހާލަން އުޅެނިކޮށް ކަމަށެވެ.
މިހާދިސާ ހިނގާފައި ވަނީ ރޭ 11:30 ހާއިރެވެ. އެނގިފައިވާ ގޮތުގައި މިހާދިސާގެ ސަބަބުން އެއްވެސް މީހަކަށް އަނިޔާއެއް ވެފައެއް ނުވެއެވެ.
ފުވައްމުލަކު ބަނދަރު ސަރަޙައްދުން މޫދަށް ވެއްޓުނު ކާރަކީ ދާދި ފަހުން އައްޑޫ ސިޓީން ފުވައްމުލަކަށް ގެންދިޔަ ކާރެއް ކަމަށް މައުލޫމާތު ލިބެއެވެ.
ކެރޭނެއްގެ އެހީގައި މިހާރު މިކާރު ވަނީ މޫދުން ނަގާފައެވެ.
ރޭ ފުވައްމުލަކު ސިޓީގެ މޫދަށް ކާރެއް ވެއްޓިފައިވާއިރު، އިއްޔެ ރޭ މާލޭ ވިޔަފާރިވެރިންގެ ބަނދަރު ސަރަޙައްދު މޫދަށް ޕިކަޕެއް ވެސް ވަނީ ވެއްޓިފައެވެ. އެހެންކަމުން މި ދެ ހާދިސާއާ ގުޅިގެން މީސްމީޑިއާގައި ގިނަ ބަޔަކު ދަނީ ވަރަށް ބޮޑަށް ފާޑު ކިޔަމުންނެވެ.
ސީވޭސ ނުޖަހާތީއޭ އެހެން އެ ވަނީ
ރިޕަޒްހާ ޖެހިޔަސް ސަލާމަތްވިސް
ކައެ އަނގަ ނައްޓާލާފަ އެތާނގަ ޖެހިއަސް އެ ކާރާ އެ މީހާވެސް ސަލާމަތް ވާނެ ކަންނޭނގެ ތޯޗެ