މާފުށީގައި ބެހެއްޓި ކްރިސްމަސް ގަހެއް ފުލުހުންގެ ބެލުމުގެ ދަށަށް ގެންގޮސްފި
ކ މާފުށީގައި ކްރިސްމަސް ފާހަގަ ކުރުމުގެ ގޮތުން ބެހެއްޓި ކްރިސްމަސް ގަހެއް ފުލުހުންގެ ބެލުމުގެ ދަށަށް ގެންގޮސްފިއެވެ.
ރާއްޖޭގެ އެންމެ ގިނަ ޓޫރިސްޓު ގެސްޓުހައުސް ގާއިމު ކުރެވިފައިވާ މާފުށީގެ “ބީޗް ގެސްޓްހައުސް” ގެ ބޭރުގައި ބެހެއްޓިފައިވާ ކްރިސްމަސް ގަހާއި ބެހޭގޮތުން ފުލުހުންނަށް މައުލޫމާތު ލިބިފައި ވަނީ ރޭ 20:30 ހާއިރު ކަމަށް ފުލުހުން ވަނީ މައުލޫމާތު ދީފައެވެ.
މައުލޫމާތު ލިބިފައިވާ ގޮތުގައި އެކަމަކީ ދިވެހި ރައްޔިތުންގެ ދީނީ އެއްބައިވަންތަކަން ދެމެހެއްޓުމަށް ފުށޫ އަރާ ކަމެއް ކަމަށްވާތީ، އެ ގަސް ނެގުމަށް ފުލުހުން ކުރި މަޝްވަރާތައް ކާމިޔާބެއް ނުވިއެވެ.
އެހެންވުމުގެ ސަބަބުން އެގަސް ފުލުހުންގެ ބެލުމުގެ ދަށަށް ގެންގޮސްފައި ވަނީ ކޯޓު އަމުރެއްގެ ދަށުން ކަމަށް ވެސް ފުލުހުން ވަނީ މައުލޫމާތު ދީފައެވެ.
މި ދުވަސްވަރަކީ އައު އަހަރު ފެށުމާ ދިމާކޮށް ކްރިސްމަސް ފާހަގަ ކުރުން ފަދަ އިސްލާމްދީނާ ޚިލާފު ހަރަކާތްތައް ހިންގަމުން ދާ ދުވަސްވަރަކަށް ވެފައިވާއިރު، މިފަދަ ކަންކަމަކީ ކަނޑައެޅިގެން އިސްލާމްދީނާ ޚިލާފު ކަންކަމެވެ. އެހެން ނަމަވެސް ޓޫރިސްޓުން އުޅޭ ރިސޯޓު ތަކުގައި މިފަދަ އެތައް ހަރަކާތް ތަކެއް އަންނަނީ ހިންގަމުންނެވެ.
ލާދީނީ ނަޝީދުގެ ވެރިކަމުގަ ތިޔަ ފުރުސަތު މިގައުމުގަ ހުޅުވާލި އަސްލު ބޭނުން ތިފެންނަނީ. އެ ޝައިތާން އަޑީގަ ހުރެގެން ކުރުވާ ކަންތަށް އެއީ. ތިގޮތަށް ކަމަކަށްފަހު ކަމެއް އަންނާނެ.