ކްރިސްމަސް ގަސް ނެގުން ރައީސް ނަޝީދަށް ސިފަވީ "ޓޫރިސްޓު ވިޔަފާރިއަށް ގެއްލުން ލިބިދާނެ" ކަމެއްގެ ގޮތުގައި
ކ. މާފުށީ ގައި ގެސްޓްހައުސް އެއްގެ ބޭރުގައި ބަހައްޓާފައި ހުރި ކްރިސްޓްމަސް ގަހެއް ފުލުހުންގެ ބެލުމުގެ ދަށަށް އިއްޔެ ގެންދިޔުމުން، އެއީ "ޓޫރިސްޓު ވިޔަފާރިއަށް ގެއްލުން ލިބިދާނެ" ކަމެއްގެ ގޮތުގައި ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުޙައްމަދު ނަޝީދު ސިފަ ކުރައްވައިފިއެވެ.
ކްރިސްމަސް ގަސް އިއްޔެ ފުލުހުންގެ ބެލުމުގެ ދަށަށް ގެންދިޔުމުން ކުރީގެ ޓްރާންސްޕޯޓް މިނިސްޓަރ އާދިލް ސަލީމް ކުރެއްވި ޓްވީޓަކަށް ރައީސް ނަޝީދުގެ ނުރަސްމީ ޓްވިޓާ އެކައުންޓް ކަމަށްވާ "އެލެކްސް އަހްމަދު" އިން ދެއްވި ރައްދެއްގައި ވިދާޅުވެފައި ވަނީ މުޅި ރާއްޖޭގެ ހުރިހާ ދިވެހިންގެ އާއްމު ހާލަތު ހުޅިފައި ހުރީ ޓުއަރިސްޓް ވިޔަފާރިއާ ކަމަށެވެ.
"ފުލުހުން އަޅާ ފިޔަވަޅުތަކުގެ ސަބަބުން ޓްއަރިސްޓް ވިޔަފާރިއަށް ގެއްލުން ވެގެން ނުވާނެ." ރައީސް ނަޝީދު 'އެލެކްސް އަޙުމަދު' ގެ އެކައުންޓުން ވިދާޅުވެފައިވެއެވެ.
ރައީސް ނަޝީދު ގެ އެވާހަކައަށް އެތައްބަޔަކު ވަނީ ނުރުހުން ފާޅު ކޮށްފައެވެ. އެގޮތުން ދީނީ ޢިލްމުވެރިޔާ ޑރ. މުޙައްމަދު އިޔާޒް ޢަބްދުއްލަތީފު ވިދާޅުވީ ވިޔަފާރި ފުޅާ ކުރުމަށްޓަކައި ޤައުމުގެ ދީނާއި މިނިވަންކަން ޤުރްބާން ކޮށްގެން ނުވާނެ ކަމަށެވެ.
އެހެން ބޭފުޅަކު ބުނެފައި ވަނީ ކްރިސްމަސް ގަހެއް ނެތަސް ޓޫރިސްޓުން އަންނާނެ ކަމަށެވެ.
އަހަރުގެ ބާކީހުރިދުވަސްތަކުގައި ގެސްޓުން އަންނަނީ ރާއްޖެއަށް،ރާއްޖޭގަ ކުރިސްމަސްޓް ގަސްހުރުމުންތޯ؟