Thursday, 19 November 2026
Advertisement
HDC — Share-Below (leaderboard)
ޚަބަރު

ހަކުރު މައްސަލަ؛ އެސްޓީއޯގެ ޝިޕްމަންޓެއް ގެއްލިފައެއް ނުވޭ

ހަކުރު މައްސަލަ؛ އެސްޓީއޯގެ ޝިޕްމަންޓެއް ގެއްލިފައެއް ނުވޭ
ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) ގެ ހަކުރު ޝިޕްމަންޓެއް ގެއްލިފައި ނުވާ ކަމަށް އެ ކުންފުނިން ބުނެފި އެވެ. އިންޑިއާގެ ބައެއް ނޫސްތަކުގައި ގެއްލުނު ކަމަށް ރިޕޯޓުކުރި ހަކުރު ޝިޕްމަންޓާ ގުޅޭގޮތުން ސިޔާސީ ފަރާތްތަކުން ދައްކަމުން އަންނަ ވާހަކަތަކާ ގުޅުވާ ނޫސްވެރިއަކު މިއަދު ވަނީ އެސްޓީއޯ އާ ސުވާލުތަކެއް ކުރިމަތިކޮށްފަ އެވެ. ނޫސްވެރިޔާގެ ފުރަތަމަ ސުވާލަކަށްވީ ހަކުރު ޝިޕްމެންޓުގެ މައްސަލައިގައި އެސްޓީއޯގެ އަތެއްވާ ކަމަށް ބުނެ ދައްކަމުން އަންނަ ވާހަކަތަކާ މެދު އެ ކުންފުނިން ބުނަން އޮތީ ކީކޭތޯ އެވެ.
"އެސްޓީއޯއަކުން ސިޔާސީ ރައްދެއް ނުދޭނެ. އެސްޓީއޯއިން އަބަދުވެސް ދައްކާނީ ވިޔަފާރިއާ ގުޅުންހުރި ވާހަކަ،" އެސްޓީއޯގެ އޮފިޝަލް ވިދާޅުވި އެވެ.
އޭނާ ދެން ކުރީ އެ ކުންފުނީގެ ހަކުރު ޝިޕްމަންޓުން ކިހާވަރެއް ގެއްލިފައިވޭތޯ އެވެ. އަދި އެސްޓީއޯއަށް ކަނޑައަޅާފައިވާ ކޯޓާ އިތުރު އެއްވެސް ފަރާތަކަށް ދީފައިވާނެތޯ އެވެ. އެ ސުވާލުތަކުގެ ޖަވާބުގައި އޮފިޝަލް ވިދާޅުވީ އެސްޓީއޯގެ އެއްވެސް ޝިޕްމަންޓެއް ގެއްލިފައި ނުވާ ކަމަށެވެ. އެ ކުންފުނީގެ ކޯޓާ ރައިޓްސް އެއްވެސް ބަޔަކަށް ދީފައި ވެސް ނުވާ ކަމަށެވެ. އެއްވެސް ޝިޕްމަންޓެއްގައި ޑިލޭއެއް އުޅޭތޯ ނޫސްވެރިޔާ ކުރި ސުވާލަށް އެސްޓީއޯއިން ބުނެފައި ވަނީ އެ ކުންފުނިން އޯޑަރު ޖަހާފައިވާ ޝިޕްމަންޓެއް ނުލިބި ނުވާ ކަމަށެވެ. މައްސަލައާ ގުޅިގެން ރާއްޖެއަށް ހަކުރު އެކްސްޕޯޓުކުރުން ހުއްޓާލާފައިވޭތޯ ސުވާލުކުރުމުން އެސްޓީއޯއިން ބުނި ގޮތުގައި ހަކުރު އެކްސްޕޯޓުކުރުން މެދުކަނޑާލާފައި ނުވާ ކަމުގަ އެވެ. ގެއްލުނު ކަމަށް ރިޕޯޓުކުރި ހަކުރު ޝިޕްމަންޓާ ގުޅޭގޮތުން އެސްޓީއޯއާ ސުވާލުކޮށްފައިވޭތޯ އެހުމުން ބުނެފައި ވަނީ އެ ކުންފުންޏާ އެއްވެސް ސުވާލެއް ކޮށްފައި ނުވާ ކަމަށެވެ.
"މި މައްސަލައާ އެސްޓީއޯއާ ނުވަތަ ރާއްޖެއާ އެއްވެސް ބައިވެރިވުމެއް ނުވަތަ ގުޅުމެއް ވެސް ނެތް،" އެސްޓީއޯގެ އޮފިޝަލް ވިދާޅުވި އެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.