ސަޅި މީހުން ނުކުރާނެ ފަސް ކަމެއް!

ސަޅި މީހުންނޭ އަހުރެން މި ބުނަނީ ބޭރުފުށުގެ ސިފައިގެ ގޮތުންނެއް ނޫނެވެ. އެހެނެއް ކަމަކު އެއީ ކާމިޔާބު ހޯދުމުގެ މަގުން ސިކުނޑި ކައްސާނުލާ ، މީހުންގެ ދަންތުރަތަކުން ސަލާމަތްވެ ހުންނަ ދިރިއުޅުމުގެ ދަތުރުގެ ހަމަ ކޮންމެ ކަމަކަށް ނިކަން ރަނގަޅަށް ހޭލާ ހުންނަ މީހާއެވެ. ނޫނީ ސުމާޓް މީހާއެވެ.

Ads by MWSC

މި ލިޔުމުގައި ފޫހި ގޮތެއް ހުރި ނަމަވެސް މިހާރު ކިޔަމުން ތިޔަ ގެންދަނީ ސަޅި މީހެއް ނަމަ ، ނިމެންދެން ކިޔާލާށެވެ. ނަމަވެސް މި ދެންނެވީ އަހުރެން ކިޔައިދޭން އުޅޭ ފަސް ކަމުގެ ތެރެއިން ކަމެއް ނޫނެވެ. ހާސަރު ދިގު ނުކޮށް ނުކުތާތަކަށް އަލި އަޅުވާލާނަމެވެ.

ބުންޏޭ، ބުންޏޭ ނުވަތަ ޔޯލަ ވާހަކަ

ސަޅި މީހުން ނުކުރާނެ އެއް ކަމަކީ ބުންޏޭ ބުންޏޭ ކިޔާފައި ދެކެވޭ ޔޯލަ ވާހަކަތަކުގެ ތެރެއަކަށް ނުވަންނާނެއެވެ. ސަބަބަކީ ޔޯލަ ވާހަކައަކީ ނަފްރަތުގެ ދަރިއެކެވެ. ދޮގުވެރިކަމުގެ އެކުވެރިއެކެވެ. އެއީ ލޯބީގެ މޭވާއެއް ނޫނެވެ. އެހެންކަމުން "ހީވަނީ" އޭނާ ކުރިކަމެއްހެން ، "ހީވަނީ" އޭނާ ފަރުވާކުޑަހެން ، މިފަދަ ޝައްކުގެ ވާހަކަތަކުގެ ތެރެއަކަށް ސަޅި މީހުންނެއް ނުވަންނާނެއެވެ. ހަމައެހެންމެ އެފަދަ ވާހަކަތަކެއް ދައްކާ ބައެއްގެ ތެރޭގައި ސަޅި މީހެއް ހުރި ނަމަވެސް އޭނާ އެކަންކަން ހުއްޓުވާނެއެވެ. ނުވަތަ އެފަދަ މަޖިލީހެއް ދޫކޮށް ސަޅިމީހާ ދާނެއެވެ. އޭނާ ހުރި ތަނެއްގައި ނަފްރަތުގެ އަލިފާންގަނޑު ރޯކުރިއަކަ ނުދޭނެއެވެ.

ކުރަންވާނެ އެއް ނޫން ، ކުރަން ޖެހޭނެ 

މިއީ ސަޅި މީހުންގެ އެންމެ ސަޅި އެއް ކަމެވެ. އެމީހުންގެ ވިސްނުމަކީ " އަހަރެން ވެސް ވިޔަފާރިއެއް ފަށަށް ވާނެ" ނޫނީ "އަހަރެން ވެސް ހިކެން ވާނެ" އެއް ނޫނެވެ. އޭގެ ބަދަލުގައި ސަޅި މީހުންނަކީ މާ އަޒުމް ވަރުގަދަ ބައެކެވެ. އެމީހުންގެ ފަރާތުން ފެންނާނީ " އަހަރެން ވިޔަފާރިއެއް ފަށާނަން" ނޫނީ "އަހަރެންގެ ހަށިގަނޑަށް ބަދަލު ގެންނާނަން" މި ބަސްތައް ތަންފީޒު ކުރުމުގެ އަމަލުތަކެވެ.

ސަޅި މީހުންގެ ނަޒަރުގައި އެމީހުންނަކީ އުޒުރު ދައްކާ މީހުންނެއް ނޫނެވެ. އެއީ ކަން ކުރާނެ މީހުންނެވެ.

ބަލިކަށިކަމުގެ އިހްސާސެއް ނުކުރާނެ

ސަޅި މީހުން ޔަގީން ކުރާ ކަމަކީ އެކި މީހުން ދިރިއުޅޭނީ އެކި ދިރިއުޅުން ކަމެވެ. ފައިސާވެރިއެއް ނުވަތަ މަތީ މަގާމެއްގެ ވެރިއެއް ގާތުގައި ނަމަވެސް ތިމާއަކީ ބަލިކަށި މީހެއް ކަމުގެ އިހްސާސެއް ސަޅި މީހުން ނުކުރާނެއެވެ. ސަބަބަކީ ފައިސާވެރިކަމަކީ ކާމިޔާބީގެ ވަރަށް ކުޑަ އިންސައްތައަކަށް ވުމެވެ. ހަމައެހެންމެ ފައިސާވެރިކަމާއި މަތީ މަގާމުތަކަކީ ވަކި ބަޔަކަށް ޚާއްޞަ ކަމެއް ވެސް ނުމެ ނޫންމެއެވެ. އެއީ ބުރަ މަސައްކަތް ކުރާ މީހުންގެ ޙައްޤެކެވެ.

ސަޅި މީހުންގެ ނަޒަރުގައި އެންމެންނަކީ ވެސް ހަމަހަމަ ބައެކެވެ. އެންމެން މަށީން އުފެދިގެން އައި ގޮތަށް ނިމިދާނީ ވެސް މަށީގެ ތެރެއަށެވެ.

ސަޅި މީހުން ދެކޮޅު ހަދާނީ ދެކޮޅު ނުވާ ގޮތަށް 

މިއީ ސަޅި މީހުންގެ ވަރަށް ހިތް ގައިމު ސިފައެކެވެ. އެމީހުން ކަމަކާ ދެކޮޅު ވާނީ ވެސް ދެކޮޅު ނުވާ ގޮތަކަށެވެ. ނަފްރަތަށް ޖާގަ ނުލިބޭ ހެންނެވެ. މިސާލަކަށް " ތިކުރަނީ މުޅިން ނުބައިކޮށް" މިފަދަ ޙާލަތީ އިބާރާތެއްގެ ބަދަލުގައި ސަޅި މީހުން ބުނާނީ " އަހަންނަށް ފެންނަ ގޮތުގައި ތިގޮތަށް ވުރެ މިހެން ހަދައިފިނަމަ މާ ރަނގަޅުވާނެ" އެވެ.

ސަޅި މީހުންނަކީ ދެކޮޅުވެރި ބައެއް ނޫނެވެ، އެއީ ނައްސި ޚިޔާލާތާ ދެކޮޅު ފައްސި ވިސްނުން ކުރިއަރުވާ ބައެކެވެ.

މާޒީއާ މެދު ފިކުރެއް ނުކުރާނެ 

މާޒީއާ މެދު ފިކުރުކޮށް އެކަންކަމާމެދު ކަންބޮޑު ވުމަކީ ސަޅި މީހުން ކުރާނެ ކަމެއް ނޫނެވެ. ސަބަބަކީ އެކަމުން ލިބޭނެ ފޮނިމީރު ކަމެއް ނެތުމެވެ. ރިސްޓާޓް ބަޓަންއަށް ފިއްތާލުމަށްފަހު އުމުރުން 14 އަހަރުން ފެށިގެން ދިރިއުޅުން އަލުން ފެށުމަކީ ނުވާނެ ކަމަކަށް ވުމެވެ.

ކޮންމެ މީހަކީ ވެސް މާޒީގައި ކުށްފާފަ ކުރެވިފައި ހުންނާނެ މީހެކެވެ. ސަޅި މީހުންނަށް އެކަންކަން ނަގަނީ ހަމައެކަނި އިބުރަތުގެ ދަރުހަކަށެވެ. އެކަންކަން އަލުން ތަކުރާރު ނުކުރާނެ ކަންކަމުގެ ގޮތުގައެވެ.

މާޒީގައި ހިނގާފައި ހުރި ދެބަސްވުންތަކާމެދު ވިސްނާ ފިކުރު ކުރާނަމަ އެއީ އެ ދެބަސްވުންތަކަށް ދިރުން ގެނެސްދީ އޭގެ މޯހިރުގައި ބަދަލު ހިފުމަށް ޖާގަދޭނެ ކަންކަމެވެ. ސަޅި މީހުންނަކީ އެފަދަ ކަންކަމުގައި ބޭކާރު ހަކަތަ އަންދާ މީހުންނެއް ނޫނެވެ،