ޓެކްސީއެއްގެ ތެރެއަށް ދޫކޮށްލެވުނު ދަބަހަކާއި ޑޮލަރުތަކެއް މަދު ގަޑިއިރުކޮޅެއް ތެރޭ ހޯދައިދީފި

ހަނދާން ނެތިގެން މީހަކަށް ޓެކްސީއެއްގެ ތެރެއަށް ދޫކޮށްލެވުނު ދަބަހަކާއި ޑޮލަރުތަކެއް މަދު ގަޑިއިތުތަކެއްގެ ތެރޭގައި ފުލުހުން ހޯދައިދީފި އެވެ.

ފުލުހުން ބުނީ އިއްޔެ ހެނދުނުގެ ވަގުތެއްގައި މީހަކު ދަތުރުކުރި ކާރެއްގެ ތެރެއަށް 400 އަށްވުރެ ގިނަ ޑޮލަރާއި ދަބަސް ދޫކޮށްލެވި، ގެއްލިފައިވާކަމަށް ފުލުހުންނަށް ރިޕޯޓްކުރި ކަމަށެވެ.

އަދި އެ ރިޕޯޓާ ގުޅިގެން ސީސީޓީވީ ފުޓޭޖްތައް ބަލައި އެ މީހާ ދަތުރުކުރި  ޓެކްސީ ހޯދިކަމަށް ވެސް ފުލުހުން ބުންޏެވެ.

އެ ތަކެތި ހޯދީ އެ މައްސަލަ ރިޕޯޓްކުރިތާ އެންމެ ފަސް ގަޑިއިރުގެ ތެރޭގައި ކަމަށް ވެސް ފުލުހުން ބުންޏެވެ.

ގެއްލުނު ތަކެތި ވެރިފަރާތާ މިހާރު ހަވާލުކޮށްފައިވާ ކަމަށް ވެސް ފުލުހުން ބުންޏެވެ.