ކޮވިޑް-19: ބިޔާދޫން ފައްސިވީ މީހުންގެ އަދަދު 53 އަށް

ބިޔާދޫ އައިލެންޑް ރިސޯޓުން ކޮވިޑް-19 އަށް ފައްސިވީ މީހުންގެ އަދަދު 53 އަށް އަރައިފިއެވެ.

Ads by Sosun Fihaara

އެ ރިސޯޓުން ކޮވިޑްގެ ފުރަތަމަ ކޭސް ފެނިފައި ވަނީ މި މަހުގެ ފުރަތަމަ ދުވަހު ، އެ ރިސޯޓުގެ މުވައްޒަފަކު ބަލީގެ އަލާމަތްތައް ހުރުމުން މާލެ އައިސް ޑޮކްޓަރަށް ދައްކާ ޓެސްޓް ކުރުމުންނެވެ. ފަހުން އެ ރިސޯޓުން އިތުރު ކޭސްތައް ފެނިފައިވަނީ ފުރަތަމަ ކޭސްއާ ގުޅިގެން ނެގި ސާމްޕަލްތަކުންނެވެ.

އެޗްއޯއީސީން މިރޭ ބޭއްވި ނޫސްވެރިންގެ ބައްދަލުވުމުގައި ޑރ. ނަޒްލާ ރަފީގް ވިދާޅުވީ ބިޔާދޫން އިތުރު ތިން މީހަކު ފައްސިވެފައިވާ ކަމަށާއި އެއާއެކު ބަލި ޖެހުނު މީހުންގެ އަދަދު 53 އަށް އަރާފައިވާ ކަމަށެވެ.

އެ ރިސޯޓުން މުޅިން ވެސް ފައްސިވެފައިވަނީ އެ ރިސޯޓުގެ މުވައްޒަފުންނެވެ.