މާވަށު ފެނަކައިގެ ޑެޕިއުޓީ މެނޭޖަރ އެރަށު ކައުންސިލު ރައީސަށް ހަމަލާދީފި
ލ.އަތޮޅު މާވަށުގައި ހުންނަ ފެނަކަ ކޯޕަރޭޝަން ބްރާންޗްގެ ޑެޕިއުޓީ މެނޭޖަރު އަބޫބަރު އަހުމަދު މާރާމާރީއެއް ހިންގާ، އެރަށު ކައުންސިލްގެ ރައީސް އަހުމަދު މޫސާއަށް ހަމަލާދީފިއެވެ.
އެނގިފައިވާ ގޮތުގައި މާވަށު ކައުންސިލު ރައީސް އަހުމަދު މޫސާ އަށް ހަމަލާދީފައި ވަނީ މިއަދު އިރުއޮއްސުނު ވަގުތުގައެވެ.
އޮންލައިން ނޫސް "ވަގުތު" އަށް މައުލޫމާތު ދެއްވަމުން އަހުމަދު މޫސާ ވިދާޅުވީ، އަބޫބަކުރު އޭނާއަށް ހަމަލާ ދިނީ އެރަށުގެ ރައްޔިތުން ކުރިން އަޅާފައި އޮތް ކަރަންޓު ކޭބަލް ރަށުގައި ނަރުދަމާ އެޅުމަށް ކޮނުނުއިރު ނަގައި އެއިން ލޯ ވަކިކޮށް އެލޯތައް ވިއްކައިގެން ފެނަކައިގެ ވެރިން -/70000 ރުފިޔާ "ވަގަށް ނެގި" ކަމަށް ބުނެ ފޭސްބުކް ޕޭޖެއްގައި ބަޔަކު ކޮށްފައި އޮތް ޕޯސްޓަކާ ގުޅިގެން ކަމަށެވެ.
"ޕީޕީއެމް މާވަށް ކިޔާ ޕޭޖެއްގައި ލިޔެފައި އޮތް އެއްޗެއް އެއީ. އެކަމަކު އަޅުގަނޑު ހިންގާ ޕޭޖެއް ނޫން އެއީކީ. އަޅުގަނޑަކަށް ނުވެސް އެނގޭ އެޕޭޖް ހިންގަނީ ކޮންބައެއް ކަމެއް. މިރޭ ހަމަލާ ދިނުމުގެ ކުރިން އަބޫބަކުރު އަހުމަދު ވަނީ ހަމަލާ ދޭނެ ކަމުގެ އިންޒާރު މިއަދު ދުވާލު އެޕޭޖަށް ކުރި ކޮމެންޓެއްގައި ދީފައި. ނަމަވެސް އަޅުގަނޑު ހިއެއް ނުކުރަން މިފަދަ ހަމަލާއެއް ދީފާނެ ކަމަކަށް." އަހުމަދު މޫސާ ވިދާޅުވެފައިވެއެވެ.
އަހުމަދު މޫސާ އަށް ހަމަލާ ދިނީ އަތުން ކަމަށާއި އޭނާގެ މޫނު މަތީގައި ޖެހުމުން ތުންފަތް ފަޅައިގެން ގޮސް ބޮލަށް އެނބުރުން އަރާފައިވާ ކަމަށް ވެސް ވިދާޅުވިއެވެ.
މިމައްސަލަ މިހާރު ފުލުހަށް ހުށަހަޅާފައިވާ ކަމަށް ވެސް އަހުމަދު މޫސާ ވިދާޅުވިއެވެ.
ނޫސްތަކުގެ ޒިމްމާ އަކީ މީހުން ބަދުނާމު ކުރުންތަ ހަމަ ހަބަރެއް ލިބޭއިރަކައް ތެދު ދޮގުނުބަލާ
ޢެމްޑީޕީ މީހުންގެ ޒިންމާއަކީ ހަގީގަތް އޮޅުވާލަން މަސައްކަތް ކުރުންތަ