އިންޑިއާ ވެކްސިން ޖެހި 477 މީހަކަށް ސިއްހީ މައްސަލަތަކާ ދިމާވެ، 2 މީހަކު މަރުވެއްޖެ

އިންޑިއާގައި ބޭނުން ކުރަމުން އަންނަ ވެކްސިން ޖެހި ގިނަ ބަޔަކަށް ސިއްހީ އެކި މައްސަލަތަކާ ކުރިމަތި ލާންޖެހި ދެ މީހަކު މަރު ވެއްޖެއެވެ.

Ads by MWSC

އިންޑިއާގެ ހެލްތް މިނިސްޓްރީން އާދިއްތަ ދުވަހު އާންމުކޮށްފައިވާ ތަފާސް ހިސާބުތަކަށް ބަލާއިރު މިހާތަނަށް ކޮވިޑް-19 ވެކްސިން ދިން ފުރަތަމަ ދުވަހު 224,301 މީހަކަށް ޑޯޒް ދީފައިވާއިރު، އޭގެ ތެރެއިން 477 މީހެއްގެ ގައިން ވަނީ ސައިޑް އެފެކްޓްސް ފެނިފައެވެ. މީގެ ތެރެއިން 3 މީހަކު ހޮސްޕިޓަލުގައި އެނދުމަތި ވެސް ކުރަން ޖެހިފައިވެއެވެ.

އިންޑިއާ ޓުޑޭ ނޫހުގައި ރިޕޯޓުކޮށްފައިވާ ގޮތުގައި ސިއްހީ މައްސަލަތައް ކުރިމަތިވި ގިނަ މީހުންގެ ފަރާތުން ފެނިފައިވަނީ ވަރަށް ބޮޑަށް ހުން އައިސް، ބޮލުގައި ރިއްސާ އަނބުރުން ފަދަ މައްސަލަތައް ކަމަށެވެ.

އިންޑިއާއިން ވެކްސިން ޖެހިފަހުން ދެ މީހަކު ވަނީ މަރުވެފައެވެ. އެއީ ހޮނިހިރު ދުވަހު ވެކްސިން ދިން މީހެއްގެ އިތުރުން ހޯމް ދުވަހު މަރުވި މީހެކެވެ. ހޮނިހިރު ދުވަހު ވެކްސިން ޖެހި މީހާ އާދިއްތަ ދުވަހު މަރުވެފައިވާއިރު، އޭނާ މަރުވެފައި ވަނީ ކޮވިޑް ވެކްސިންގެ ސަބަބުން ނޫން ކަމަށް ޕޯސްޓްމޯޓަމް އިން ވަނީ ދައްކާފައެވެ.