ވެކްސިން ނުރައްކާތެރި ކަމަށް ހިތަށް އަރަނީ ބަލީގެ ނުރައްކާ ހަނދާން ނެތުމުން: ޑރ. ނަޒްލާ
ވެކްސިނަކީ ނުރައްކާތެރި އެއްޗެއް ކަމަށް ހިތަށް އަރަނީ ބަލިތަކުގެ ނުރައްކާ ހަނދާން ނެތުމުން ކަމަށް ހެލްތު އެމަޖެންސީ އޮޕަރޭޝަންސް ސެންޓަރ (އެޗްއީއޯސީ) ގެ ތަރުޖަމާނު ޑރ. ނަޒްލާ ރަފީޤު ވިދާޅުވެއްޖެއެވެ.
ރައްޔިތުންގެ ކަންބޮޑުވުންތަކާ ޝުއޫރުތައް ފާޅުކުރުމަށް މިއަދު ރައީސް އޮފީހުން ފެށި، "ޖަޒީރާ ސައްލާ" ގައި ބައިވެރިވެވަޑައިގެން އާންމު ރައްޔިތަކު ކުރި ސުވާލަކަށް ޖަވާބު ދެއްވަމުން ޑރ. ނަޒްލާ ވިދާޅުވީ ކޮވިޑުގެ ކުރިން ވެސް ވެކްސިނާ ދެކޮޅަށް ދުނިޔޭގެ އެކި ކަންކޮޅުތަކުން މީހުން ވާހަކަ ދައްކާ ކަމަށާއި ފާއިތުވީ ދެތިން އަހަރަށް ބަލާއިރު ވެކްސިން ޖެހުމާ ދެކޮޅު ހަދާއި މީހުން އިތުރު ކަމަށެވެ.
މީގެ އިތުރުން ޑރ. ނަޒްލާ ވިދާޅުވީ ވެކްސިންގެ ސަބަބުން އެތައް ބައެއްގެ ފުރާނަ ސަލާމަތް ކުރެވޭނެ ކަމަށާއި ޕަބްލިކް ހެލްތު މެޝާސްތައް ކާމިޔާބުވުމުން މީހުން ބަލި ނުވާނެ ކަމަށެވެ.
"މިސާލަކަށް ބުނާނަމަ، ލޮކްޑައުނަށް ފަހު ކޮވިޑްގެ ކޭސްތައް މަދުވުމުން ބައެެއް މީހުން ވަނީ ކޮވިޑް ކޭސްތައް މަދުއިރު ވެސް އެހާ ބޮޑު ލޮކްޑައުނަކަށް ދާންޖެހޭތޯ ސުވާލު އުފައްދާފަ. ކޭސްތައް ފެންނަ ނިސްބަތް މަދުވީ ވެސް ލޮކްޑައުންގެ ސަބަބުން. ވެކްސިންގެ ކަންކަން ވެސް ދާނީ އެގޮތަށް. ގިނަ ބަޔަކު ވެކްސިން ޖެހުމުން، ރާއްޖެއިން ބަލިތައް ނައްތާލެވޭނެ." ޑރ. ނަޒްލާ ވިދާޅުވިއެވެ.
ބަލީގެ ނުރައްކާތެރިކަން ވަޒަންކުރެވޭ.ވެކްސިން ރައްކާތެރި ކަމުގެ ޔަޤީންދެއްވާ!