32 ކުޅުންތެރިންނާއިއެކު ޖުލައި 4ގައި ޤައުމީ ޓީމްގެ ޕްރެކްޓިސް ފަށަނީ
ޤައުމީ ފުޓްބޯޅަ ޓީމުގެ ސްކޮޑުން އެއްވެސް ކުޅުންތެރިޔަކު އުނިނުކުރާ ކަމަށާއި އަންނަ މަހު ހަތަރު ވަނަ ދުވަހު 32 ކުޅުންތެރިންނާ އެކު ޤައުމީ ޓީމުގެ ޕްރެކްޓިސްތައް ފަށަންނިންމާފައިވާ ކަމަށް އެފްއޭއެމުން ބުނެފިއެވެ.
އެފްއޭއެމުން މިހެން ބުނެފައިވަނީ މިދިޔަ ހަފްތާގައި ޤައުމީ ޓީމްގެ ސްކޮޑު މަދުކޮށްފައިވާކަމަށް މީޑިޔާތަކުން ރިޕޯޓްކޮށްފައިވަނިކޮށެވެ. އަދި ފައިނަލްކޮށްފައިވާ 25 ކުޅުންތެރިންގެ ލިސްޓެއް އާންމުވެފައިވަނިކޮށެވެ.
އެފެއޭއެމްގެ ޖެނެރަލް ސެކްރެޓަރީ ހުސެއިން ޖަވާޒް ވިދާޅުވީ ޤައުމީޓީމުގެ އާއްމުވި ލިސްޓަކީ ރަސްމީ ލިސްޓެއް ނޫން ކަމަށާއި، ޤައުމީ ޓީމުން އެއްވެސް ކުޅުންތެރިއަކު ބާކީކޮށްފައިނުވާނެކަމަށެވެ. އަދި ވައިބާ ގްރޫޕެއްގައި ދައުރުވި ލިސްޓަކީ ޓީމްގެ އިދާރީކަމެއްގައި ތައްޔާރުކުރި ލިސްޓެއްކަމަށާއި، އެ ވައިބާ ގްރޫޕަކީ ރަސްމީ ގްރޫޕެއް ނޫންކަމަށެވެ. އަދި އެ ލިސްޓަކީ ކުޅުންތެރިންނަށް ސަރުކާރުން ދޭން ނިންމާއިފައިވާ އެލަވަންސް ދިނުމާއި ގުޅޭގޮތުން އެކުލަވާލެވުނު ލިސްޓެއްކަމަށެވެ.
މިކަމާއި ގުޅޭގޮތުން ޤައުމީ ޓީމުގެ އެސިސްޓަންޓް ކޯޗު އަލީސުޒޭން ބުނީ ސަރުކާރުން ދޭ އެލަވަންސް ލިބެނީ 23 ކުޅުންތެރިންނަށް ކަމަށާއި އެ އަށް ވުރެން ގިނަ ކުޅުންތެރިންސްކޮޑުގައި ތިބުމާއިއެކު ކުޅުންތެރިން ރޮޓޭޓްކުރުމުގެ ވިސްނުމެއް ގެންގުޅޭކަމަށެވެ. އޭނާ ބުނީ މިކަހަލަ އުނދަގޫ ހާލަތެއްގައިވީހާވެސް ގިނަ ކުޅުންތެރިންނަށް ފައިދާ ކުރާނެ ގޮތަކަށް ކަންކަން ހަމަޖެއްސުމަކީ އެންމެ ރަނގަޅު ގޮތްކަމަށެވެ.
ޤައުމީ ޓީމްގެ ޕްރެކްޓިސްއާއި ގުޅޭގޮތުން އެފްއޭއެމުން ބުނީ 32 ކުޅުންތެރިންނާއިއެކު އަންނަ މަހު 4ވަނަ ދުވަހު ޤައުމީ ޓީމްގެ ޕްރެކްޓިސް ފެށުމަށް ހަމަޖެހިފައިވާކަމަށާއި، ޕްރެކްޓިސްކުރާނީ ދެ ގްރޫޕަކަށް ބަހާލައިގެންކަމަށެވެ. އެއީ ސިއްހީ ފަރާތްތަކުންކޮވިޑް-19 އިން ރައްކާތެރިވެ ތިބެ ކުރިއަށްދާން ދީފައިވާ ލަފަޔާއިއެއްގޮތަށް ޕްރެކްޓިސް ކުރިއަށް ގެންދިޔުމުގެ ގޮތުންކަމަށެވެ.
ގައުމީ ފުޓްބޯޅަ ޓީމުގެ 32 ކުޅުންތެރިންގެ ސްކޮޑު:
މާޒިޔާ: ސަމޫހު އަލީ (ސަމުއްޓެ)، މުހައްމަދު އިރުފާން (އިރޭ)، އިބްރާހިމް މަހުދީ (ފޭދޫ އިއްބެ)، އިބްރާހިމް އައިސަމް، ހަމްޒާމުހައްމަދު (ހަމްޕު)، ހުސެން ޝަރީފް (ހުސެން)، ހުސައިންނިހާން (ނިހާޓް)، އާދަމް ނިޒާމް (ކިތުނާ)، ނާއިޒު ހަސަން(ދާދު)، އިބްރާހިމް ވަހީދު ހަސަން (އިއްބެ)، މުޖުތާޒް މުހައްމަދު(މުޖޭ)
ޓީސީ: އަލީ އަޝްފާގު (ދަގަނޑޭ)، އަކުރަމް އަބްދުލް ގަނީ (އަކޫ)، އަހުމަދު ރިލްވާން (ބެން)، އިސްމާއިލް އީސަ (މެސީ)، އަލީޝާމިސް (ތޮއްޕޭ)، އިޝާން އިބްރާހިމް (ސައްޓު)
އީގަލްސް: އަހުމަދު ނޫމާން (ހެލްމެޓް)، އިމްރާން ނަޝީދު(އިންމަ)، އަހުމަދު ރިޒްވާން (ރިޒޭ)، ހުސެއިން ސިފާއު (ކުރޯ)، ހަސަން ރާއިފް އަހުމަދު (ހަންނަ)، އަލީ ފާސިރު (ސެންޓޭ)، ހަސަން ނަޒީމް (ޗޯޓު)، ރިހާމް އަބްދުލް ގަނީ (ބޮބީ)
ގްރީން ސްޓްރީޓްސް: މުހައްމަދު އާރިފް (ބަކާ)، އަބްދުﷲ ޔާމީން(ޔާން)، މުހައްމަދު އުމެއިރު، މުހައްމަދު ޝަފީއު (ޗެކް)، މުހައްމަދުސާއިފް
ދަ ގްރާންޑޭ: މުހައްމަދު ފައިސަލް، އަހުނަފު ރަޝީދު
