ކޮވިޑް-19: ކުޑަރިކިލުން މީހަކު ފައްސިވެއްޖެ

ބ. ކުޑަރިކިލުން މީހަކު ކޮވިޑް-19 އަށް ފައްސި ވެއްޖެއެވެ.

Ads by Sosun Fihaara

އެނގިފައިވާ ގޮތުގައި އެރަށުން ކޮވިޑަށް ފައްސިވެފައި ވަނީ އަންނަންތަރާ ކިހާވައް ރިސޯޓުން އެރަށަށް ގޮސް ކަރަންޓީނުގައި ހުރި މީހެކެވެ.

ދައުލަތުގެ މީޑިއާއަށް މައުލޫމާތު ދެއްވަމުން ކުޑަރިކިލު ކައުންސިލުން ވިދާޅުވީ އެރަށުން ފައްސިވި މީހާ އެއްވެސް އިތުރު މީހަކާ ބައްދަލުވެފައި ނުވާކަމަށެވެ. އަދި އެމީހާ ފައްސިވެފައި ވަނީ ކަރަންޓީނުގެ މުއްދަތު ނިންމައި، ނެގި ސާމްޕަލް ފައްސި ވުމުން ކަމަށް ވެސް ކައުންސިލުން ވިދާޅުވެފައިވެއެވެ.

މިއީ އެރަށުން މިހާތަނަށް ކޮވިޑަށް ފައްސިވި ދެވަނަ މީހާއެވެ.

ރާއްޖޭގައި ކޮވިޑް-19ގެ ސަބަބުން އަޅާފައިވާ ފިޔަވަޅުތަކަށް ދެމުންދާ ލުއިތަކުގެ ތެރެއިން މާލެއާއި ރިސޯޓުތަކުން ވެސް ރަށު ކަރަންޓީނަށް ދެވޭނެ ގޮތް ވަނީ ހަމަޖައްސާފައެވެ.