Friday, 20 November 2026
Advertisement
HDC — Share-Below (leaderboard)
ޚަބަރު

މޫސުމާ ބެހޭ އެންމެ ފަހުގެ މައުލޫމާތު ލިބޭ "މޫސުން" އެޕް އިފްތިތާހުކޮށްފި

މޫސުން" އެޕް އިފްތިތާހުކުރުން--
މޫސުން" އެޕް އިފްތިތާހުކުރުން--

މޯލްޑިވްސް މީޓިއޮރޮލޮޖިކަލް ސާވިސް (މެޓް އޮފީސް)އިން މޫސުމާ ބެހޭ އެންމެ ފަހުގެ މަޢުލޫމާތުތައް އާންމުންނަށް ފަސޭހަކަމާ އެކު ފޯރުކޮށްދިނުމުގެ ގޮތުން ތަރައްގީކުރި ހާއްސަ މޯބައިލް އެޕްލިކޭޝަނެއް ކަމަށްވާ "މޫސުން" ތައާރަފުކޮށްފިއެވެ.

މި ކަމަށް ބޭއްވުނު ހާއްސަ ރަސްމިއްޔާތެއްގައި އެ އެޕް އިފްތިތާހުކޮށްދެއްވީ އެންވަޔަރަމަންޓް މިނިސްޓަރު އަލީ ޝަރީފްއެވެ.

މިއީ މޫސުމާ ބެހޭ އޮފީހާއި ޔޫއެންޑީޕީ ގުޅިގެން ހިންގާ "ތައްޔާރު ޕްރޮޖެކްޓް"ގެ ދަށުން ތަރައްގީކުރި ޑިޖިޓަލް އެޕްއެކެވެ.

އެންވަޔަރަމަންޓް މިނިސްޓްރީން ބުނީ މި އެޕްއަކީ ރާއްޖޭގެ އެކި ކަންކޮޅުތަކުގެ މޫސުމީ ޙާލަތު ވަގުތުން ވަގުތަށް ދެނެގަތުމަށާއި، ރައްކާތެރިކަމުގެ ފިޔަވަޅުތައް އެޅުމަށް މަގުފަހިކުރުމުގެ މަޤްޞަދުގައި ތައްޔާރުކޮށްފައިވާ އެޕެކެވެ.

އެގޮތުން "މޫސުން" އެޕް މެދުވެރިކޮށް، ތިމާ ދިރިއުޅޭ ނުވަތަ ދަތުރުކުރަން ގަސްތުކުރާ ވަކިވަކި ރަށްރަށުގެ މޫސުން ލަފާކުރާ ގޮތާއި، ވަގުތުން ވަގުތަށް މޫސުމީ ބަދަލުތައް ދައްކުވައިދޭ ލައިވް ވެދަރ މެޕް ބަލައިލެވޭނެކަމަށް މިނިސްޓްރީން ބުންޏެވެ. މީގެއިތުރުން، މެޓް އޮފީހުން ރަސްމީކޮށް ނެރޭ އެލާޓްތަކާއި އިންޒާރުތައް ވެސް މި އެޕްލިކޭޝަން މެދުވެރިކޮށް އެއްތަނަކުން ފަސޭހަކަމާ އެކު ލިބިގެންދާނެކަމަށް ބުންޏެވެ.

މި އެޕްލިކޭޝަން މިހާރު އެޕަލްގެ އެޕް ސްޓޯރުންނާއި ގޫގުލް ޕްލޭ ސްޓޯރުން ހިލޭ ޑައުންލޯޑް ކުރެވެން ހުންނާނެއެވެ. އެޕް ބޭނުންކުރުމަށްޓަކައި ސްޓޯރުތަކުގައި "Moosun" ޖަހައިގެން ސާޗް ކޮށްލުމުން ފަސޭހަކަމާ އެކު ފޯނަށް އަޅައިލެވޭނެ ކަމަށް މެޓް އޮފީހުން މަޢުލޫމާތު ދެއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.