އައްޑޫސިޓީ ކްލަސްޓާ: ހިތަދޫން އިތުރު 4 މީހަކު ފައްސިވެއްޖެ

އައްޑޫ ސިޓީ ހިތަދޫއިން އިތުރު ހަތަރު މީހަކު ކޮވިޑް-19 އަށް ފައްސިވެއްޖެއެވެ.

Ads by Hajj Corporation

އެއާއެކު އައްޑޫސިޓީން ކޮވިޑަށް ފަރުވާ ހޯދަމުން އަންނަ މީހުންގެ ޖުމްލަ އަދަދު ވަނީ 55 އަށް އަރައިފައެވެ.

ހިތަދޫން ކްލަސްޓާއެއް އުފެދިފައި ވަނީ، ކަރަންޓީނުގައި ނެތް ދެ މީހަކު އެރަށުން މިމަހުގެ 5 ވަނަ ދުވަހު ކޮވިޑަށް ފައްސިވުމާ ގުޅިގެންނެވެ.

އައްޑޫސިޓީ ގައި ކޮވިޑް-19 ފެތުރެން ފަށާފައި ވަނީ ހާއްސަ ހުއްދައިގެން ދަށުން މާލެ ފުރައިގެން އައްޑޫ އަށް އައި މީހެއްގެ ފަރާތުންނެވެ.

މި ކްލަސްޓާއަށް ނިސްބަތްވާ މީހުން އައްޑޫ ސިޓީގެ ގުޅިފައިވާ ރަށްތަކުގައި ތިބިއިރު، ގދ. ތިނަދޫގައި ވެސް މި ކްލަސްޓާއަށް ނިސްބަތްވާ އެކަކު އެބަހުއްޓެެވެ.