ފުވައްމުލަކުން އިތުރު މީހަކު ފައްސިވެއްޖެ
ފުވައްމުލަކު ސިޓީގެ ދުބާއީ ކްލަސްޓާއިން އިތުރު މީހަކު ކޮވިޑް-19 އަށް ފައްސިވެއްޖެއެވެ.
އެރަށުން އިއްޔެ ވެސް 8 މީހަކު ކޮވިޑް-19 އަށް ފައްސިވެފައިވެއެވެ. މިއަދު ފައްސިވީ މީހާއާއެކު ފައްސިވި މީހުންގެ އަދަދު ވަނީ 9 އަށް އަރާފައެވެ.
ފުވައްމުލަކު ސިޓީ ކައުންސިލްގެ މޭޔަރު އަހުމަދު މޭޔަރު "ދެން" އަށް ވިދާޅުވީ ފައްސިވެފައިވާ މީހުންގެ ކޮންޓެކްޓުން ގިނަ ކަމަށާއި މިހާތަނަށް 9 މީހަކު ޖުމްލަ ފައްސިވެފައިވާ ކަމަށެވެ. އަދި މިއީ ދުބާއީ ކްލަސްޓާ އިން ފައްސިވި މީހުން ކަމަށްވެސް އޭނާ ވިދާޅުވިއެވެ.
އެރަށުގައި ކޮވިޑް-19 ފެތުރިފައި ވަނީ ދުބާއިން އައިސް އެރަށުގައި ކަރަންޓީނުގައި ހުއްޓާ ކޮވިޑް-19އަށް މީހަކު ފައްސިވެ، އެމީހާ ބަޔަކާ ބައްދަލުވެފައި ވާތީއެވެ. މިކަމާ ގުޅިގެން އެރަށުން ވަނީ ގިނަ އަދަދެއްގެ ރެންޑަމް ސާމްޕަލް ވަނީ ނަގާފައެވެ.
އެގޮތުން އިއްޔެ އިރުއޮއްސި ހައެއް ޖެހުުމާ ހަަމައަށް 44 ސާމްޕަލް ނަގާފައިވެއެވެ.
