ހުޅުމާލެ ދެވަނަ ފިޔަވަހީގައި މިރޭ ހަވާ އަރުވަނީ
ހުޅުމާލޭ ދެވަނަ ފިޔަވަހީގައި މިރޭ ހަވާ އަރުވާނެކަން މޯލްޑިވްސް ނޭޝަނަލް ޑިފެންސް ފޯސް (ޢެމްއެންޑީއެފް) އިން ހާމަ ކޮށްފިއެވެ.
އެމްއެންޑީއެފުން ބުނީ ހަވާ އަރުވަން ހަމަޖެހިފައިވަނީ މިރޭ 8:00ގައި ކަމަށެވެ. އަދި އެއީ އަމިއްލަ ފަރާތަކުން ވިޔަފާރި އުސޫލުން އަރުވާ ހަވައެެއް ކަމަށް ވެސް އެމްއެންޑީއެފުން މައުލޫމާތު ދެއެވެ. އަދި މިރޭ 5 މިނެޓު ވަންދެން ހަވާ އަރުވާނެ ކަމަށް ވެސް އެމްއެންޑީއެފުން ބުނެއެވެ.
އަމިއްލަ ފަރާތަކުން ހަވާ އަރުވަނީ ކޮން މުނާސަބަތަކާ ގުޅުވައިގެން ކަން އެމްއެންޑީއެފުން ހާމަ ކޮށްފައެއް ނުވެއެވެ.
މިދިޔަ 2020 ވަަނަ އަހަރުގެ ފަހު ކޮޅު މާލޭ އިއްޒުއްދީން ފާލަމާ ދިމާލުން ވެސް ވަނީ އަމިއްލަ ފަރާތަކުން ވިޔަފާރި އުސޫލުން ހަވާ އަރުވާފައެެވެ. އެފަހަރު އެރުވި ހަވައަކީ ކައިވެނީގެ ހަފްލާއާ ދިމާކޮށް އާއިލާއިން ކައިވެނި ކުރި ދެމަފިރިންނަށް ދިން ހަދިޔާއެކެވެ.
ކޮމެންޓް