ސްނޯކެލިންއަށް ދިޔަ ފަތުރުވެރިޔާ އަދިވެސް ނުފެނޭ

އިންޓަރ ކޮންޓިނެންޓަލް މާމުނަގައު ރިސޯޓުން އެކަނި ސްނޯކުލިންއަށް ގޮސް އުޅެނިކޮށް ގެއްލުނު އަންހެން ފަތުރުވެރިޔާ އަދިވެސް ފެނިފައި ނުވާ ކަމަށް އެމްއެންޑީއެފް އިން ވިދާޅުވެއްޖެއެވެ.

Ads by Hajj Corporation

އެމްއެންޑީއެފް އިން ވިދާޅުވީ ފަތުރުވެރިޔާ ހޯދުމުގެ މަސައްކަތް ރެއިން ފެށިގެން ކުރަމުން އަންނަ ކަމަށާއި އެމްއެންޑީއެފް ނޮދަން އޭރިއާ ކޯސްޓު ގާޑު ޑައިވަރުން އަންނަނީ ހުުއްޓުމެއް ނެތި ފަތުރުވެރިޔާ ހޯދުމުގެ މަސައްކަތް ކުރަމުން ކަމަށެވެ.

އެގޮތުން ކަނޑުގެ ސާފޭސްގެ އިތުރުން ޑައިވް ކޮށްގެން ވެސް ބަލަމުން އަންނަ ކަމަށް އެމްއެންޑީއެފް އިން ވިދާޅުވިއެވެ.

ފަތުރުވެރިޔާ ގެއްލުނު ކަމުގެ ރިޕޯޓު ލިބިފައިވަނީ ރޭ 08:58 ހާއިރުއެވެ.

ގެއްލުނީ އަންހެން ފަތުރުވެރިއެއް ކަމަށާއި، އޭނާ ލައިގެން ހުރީ ރަތް ކުލައިގެ މޫދު ހެދުމެއް ކަމަށް މީގެ ކުރިން އެމްއެންޑީއެފް އިން ވިދާޅުވިއެވެ.