ކޮވިޑް-19: ހަންޏާމީދޫން ފަތުރުވެރިއަކު ފައްސިވެއްޖެ
އދ. ހަންޏާމީދޫގައިި ހުރި ފަތުރުވެރިއަކު ކޮވިޑްް 19 އަށް ފައްސި ވެެއްޖެއެވެ.
މި ފަތުރުވެރިޔާ ފައްސިވުމާ ގުޅިގެން ހެދި ކޮންޓެކްޓް ޓްރޭސިންގައި ޑައިރެކްޓް ކޮންޓެކްޓް ގެ ގޮތުގައި ފާހަގަވި 9 ފަރާތެއް ވަނީ ކަރަންޓީނު ކޮށްފައެވެ.
ހަންޏާމީދޫ ސިއްޙީ މަރުކަޒުން ވިދާޅުވީ މިއަދު ފައްސިވެފައި ވަނީ ފަތުރުވެެެެެރިއެއް ކަމަށެވެ. ފައްސި ވި ކަން އެނގިފައި ވަނީ ފުރުމުގެ ކުރިން ނެގި ރިލީސް ސާމްޕަލުންނެވެ.
ރާއްޖޭގައި މިފަހަކަށް އައިސް އަނެއްކާވެސް ކޮވިޑަށް ފައްސިވާ މީހުންގެ އަދަދު އަންނަނީ އިތުރުވަމުންނެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާއްމުކޮށްފައިވާ ސާވޭލަންސް ޑޭޓާއަށް ބަލާއިރު އިއްޔެ ރާއްޖެއިން ކޮވިޑަށް ފައްސި ވެފައިވަނީ މާލެއިން 101 މީހުންނާއި، އަތޮޅުތެރެއިން 15 މީހަކާއި ހިންގަމުން އަންނަ ރިސޯޓުތަކުން 6 މީހުންނާއި އެއްގަމު އުޅަނދުފަހަރުން 14 އަދި އިންޑަސްޓްރިއަލް ރަށްތަކުން 73 މީހެކެވެ.
މިހާރު ރާއްޖެއިން މިބައްޔަށް ޖުމްލަ 17،716 މީހުން ފައްސި ވެފައިވެއެވެ.
ރާއްޖެއިން މިހާރު ކޮވިޑް ބަލިން ފަސޭހަ ވެފައިވަނީ ޖުމްލަ 15،291 މީހުންނެވެ. އަދި މިބަލީގައި ރާއްޖެއިން ނިޔާވި މީހުންގެ ޖުމްލަ އަދަދު މިހާރު 58 އެވެ.
ހޮސްޕިޓަލުތަކުގައި މިހާރު ފަރުވާ ހޯދަމުން ދަނީ 190 މީހުންނެވެ.
Ads by STO
