35 އަހަރުން މަތީގެ މީހުންނަށް މިއަދު ވެކްސިން ދޭނެ

މާލޭގައި އުމުރުން 35 އަހަރުން މަތީގެ މީހުންނަށް މިއަދު ވެކްސިން ޖަހަން ފަށާނެ ކަމަށް އެޗްއޯއީސީން ބުނެފިއެވެ.

Ads by MWSC

މީގެ ކުރިން ވެކްސިން ޖަހަމުން އައީ އުމުރުން 40 އަހަރުން މަތީގެ އެންމެންނާއި 18 އަހަރުން މަތީގެ ދިގު މުއްދަތަކަށް ބޭސް ކާ ފަރާތް ތަކަށެވެ.

އެޗްއޯއީސީން ރޭ ބޭއްވި ނޫސްވެރިންގެ ބައްދަލުވުމުގައި ވަނީ މިއަދު ފެށިގެން އުމުރުން 35 އަހަރުން މަތީގެ މީހުނަށް ވެކްސިން ޖަހަން ފަށާނެ ކަމަށް ބުނެފައެވެ.

އިއްޔެ އެކަނި ވެސް ރާއްޖޭގައި 6،171 މީހުންނަށް ކޮވިޑް-19 ވެކްސިން ޖަހާފައި ވާއިރު، މިހާތަނަށް މުޅި ރާއްޖެއިން ޖުމްލަ 56،218 މީހުންނަށް ވަނީ ވެކްސިންގެ ފުރަތަމަ ޑޯޒް ދީ ނިންމާފައެވެ. ވެކްސިން ގެ ދެވަނަ ޑޯޒް ޖަހާނީ ވެކްސިން ޖެހުމަށްފަހު 8 ހަފްތާ ފަހުންނެވެ.